Moralesek honela azaldu du espioitzaren zergatia: “Espioitza egiten dute, interbentzio baterako, dominazio baterako. Eta zergatik dominazio nahia? Gure baliabide naturalak beren esku nahi dituztelako. Hortxe dago koxka”.

Andeetako herrixka batean egindako ekitaldi publikoan salatu du espioitza kasua. Berria Montevideon (Uruguai) egin zen Mercosur-eko goi-bileran jakin zuela adierazi du Moralesek, “presidente lagun batzuen bitartez”.

Argentinako kantziler Héctor Timerman-ek ere salatu zuen bere herrialdeko ehun funtzionariori egindako jarraipena.

Boliviako presidenteak salaketaren ostean garbi berretsi du Edward Snowdeni babesa emateko intentzioa.