Adin txikiko beisbol jokalari bati musu emateagatik entrenatzaile bat kondenatu dute
Adin txikiko neskak 2023an salatu zuen entrenatzaileak hiru aldiz musukatu zuela bere baimenik gabe. Nafarroako Probintzia Auzitegiak Iruñeko epaitegiak ezarritako zigorra baieztatu du. Entrenatzaileak ezingo du harreman zuzenik izan adin txikikoekin inongo lanbidetan eta jardueretan bi urte eta erdiz.
Noticias de Navarra hedabideak jaso duenez, Entrenatzaileak adin txikiko neskari garrantzi txikiko sexu erasoa egin izana ebatzi du Nafarroako Auzitegiak. Hala, Iruñeko Zigor Arloko 1 zenbakiko epaitegiak 2024ko uztailean emandako epaia berretsi du. Entrenatzaileak 5.040 euroko isuna ordaindu beharko du eta biktimari 2.000 euroko kalte-ordaina eman. Era berean, ezingo du adin txikikoekin harreman erregular eta zuzenik izan inolako lanbide eta jardueretan, bi urte eta erdiz.
Sexu erasoak 2023ko apirilaren 24an gertatu ziren. Akusatua entrenatzailea zen eta neska jokalaria, harrobiko jokalarien entrenatzailea eta klubean laguntzailea. Epaiak jaso du erasoa nola izan zen: bateatzeko tunelean zeudela, ustekabean, atzetik gerturatu eta musu eman zion ezpainetan bi aldiz. Neskak ez zuen erreakzionatu. Handik pixka batera tunel berean hirugarren aldiz musukatu zuen eta neskak entrenatzailearen jarrera arbuiatu zuen.
Akusatuak sententzia errekurritu zuen
Erasotzaileak salatzailearen bertsioa zalantzan jarri zuen. Argudiatu zuen salaketak kalte profesionala eragiten ziola, eta iradoki zuen adin txikikoak salaketa jarri zuela bere familiak klubeko arduradunekin desadostasunak zituelako. Gehitu zuen sare sozialen bidezko harremanak neskak hasten zituela eta “gustuko dut” ematen ziela berak argitaratutako mezuei.
Auzitegiaren ebazpenaren arabera, salatzailearen testigantza “iraunkorra izan zen, modu zehatz, koherente eta irmoan adierazia”.
Epaileak ebazpenean jaso du erasoak gertatu baino lehen “nolabait esan, maite-jolasetan” aritu zirela mezu-trukaketetan, baina musuen ondoren elkarrizketa giroa aldatu zela. Orduz geroztik, “txantxa giroan entrenatzaileak idazten zuen, eta ez neskak”. Erasoa eta gero, neskak ondoeza eta urduritasuna jasan zituen eta genero indarkeriaren biktimentzako arreta zerbitzuak jaso zituen. Laguntza psikologikoa jaso zuen.
_2.jpg)
EHUko Errektoretza Taldeak hedabideetara igorritako ohar baten bidez jakinarazi du neurria: "Unibertsitateak baieztatzen du salatu duten irakaslea jada klaseetatik at dagoela eta ez dela fakultatera joango kasua argitu arte".
Getxoko Epaitegiak Europa ikastetxeko 4 urteko haurren kasua artxibatu izanaren berri izan dugu aste honetan. Horrek zera galdetzera garamatza: instantzia judizialak, polizialak… prest al daude haurren eskaerei erantzuteko? Benetan babesten al dira gure adingabeak... [+]
Gasteizko Campuseko Filologia Hispanikoko irakasle baten aurkako salaketen berri izan bezain azkar, asanblada irekia egin zuen GUET Gasteizko Unibertsitateko Emakume Taldeak. Aste bakarrean “hamarnaka” salaketa eta testigantza berri jaso dituzte. Irakaslearen... [+]
Sexu-erasotzaile gehienak biktimaren inguru sozialekoak direla eta “kaleko bortxatzaile mamuaren ideiatik” aldendu beharra dagoela nabarmendu du Nafarroako Emakume Gazteen kontrako Sexu Indarkeriari buruzko I. Azterketak. Ikerketak gazteengan jarri du arreta,... [+]
Bi erizainetatik batek lanean eraso sexistak jasaten dituela azalerazi du Erizainen Ordenak joan den urte bukaeran egin ikerketak. 21.000 erizainek ihardetsi dute, sektore pribatu, publiko eta liberaletik. Hauetan 2.500 gizonak dira.
Gernikako saskibaloi taldeko entrenatzaile ohiaren aurkako epaiketa hasi da astearte honetan Bizkaiko Auzitegian. Fiskaltzak 14 urteko espetxe eskaera egin du, eta akusazio partikularrak hamazortzikoa, sexu abusuak leporatuta. Lópezen defentsak adierazi du entrenatzaile... [+]
Indarkeria matxistari buruzko testigantzak jasotzeko Instagram kontua 2024ko azaroan jarri zuen abian emakume talde anonimo batek. Espainiako Estatuan Cristina Fallarás kazetariak abiatutako #Cuentalo egitasmoan oinarritu dira. Emakumeek, testigantza anonimoen bidez,... [+]
Fiskaltzak hamalau urteko espetxe zigorra eskatu du Mario López saskibaloi entrenatzaile ohiarentzat. Akusazio partikularrak hemezortzi urtekoa eskatu du. Gernika-Lumoko Sare Feministak elkarretaratzea deitu du Bilboko epaitegi aurrean. Lópezi 1998 eta 2001 artean... [+]
Gipuzkoako Fiskaltzaren ustez, 40 urteko irakasle hondarribiarrak 9 eta 17 urte arteko hamaika adin txikikori sexu gehiegikeriak egin zizkien 2011 eta 2021 urte artean. 2021ean kartzelatu zuten, bere sei ikaslek salaketa jarri eta gero.
Getariako etxebizitza batean egin dio eraso, Segurtasun Sailaren arabera. Emakumea astero joaten zen terapia naturaleko kontsultara, eta Ertzaintza ikertzen ari da ea antzeko ekintzen biktima gehiago dauden.
Sexu erasoak 1998an hasi ziren, biktimak 13 urte zituenean. 2003an kluba utzi bazuen ere, emakumeak iaz salatu zituen sexu erasoak, Mario Lopezek taldeko entrenatzaile gisa jarraitzen zuela. Orain 18 urteko espetxe-zigorra eskatzen du akusazioak, fiskaltzak baino lau urte... [+]
Dozenaka lagun batu dira igandean Laudioko Herriko plazan, Ez zara fisioa, erasotzailea zara lelopean.
Mundu osoko 70.000 gizonek baino gehiagok hartzen dute parte emakumeak nola drogatu eta bortxatu hitz egiteko txat-talde batean. Alemaniako ARD irrati publikoko bi kazetarik egin dute ikerketa urtebetez eta erakutsi dute kasu batzuetan biktimak bikotekideak, arrebak eta amak... [+]
Gipuzkoako Auzitegiak urte eta erdiko espetxe zigorra ezarri dio gizon bati, emakume bat bortxatzen saiatzeagatik. Epaiketa asteazkenean egin zuten, eta, hasi aurretik, gizonak gertakariak onartu eta akordioa erdietsi zuen Fiskaltzarekin eta akusazio partikularrarekin, zigorra... [+]
Bortxaketen kasuentzako bideratu daitekeen kartzela zigorrik gorena jarri diote senar-ohi Dominique Pelicoti; eta beste 50 bortxatzaileei dagokionez, guztiak dituzte erruduntzat jo, baina fiskalak galdetzen zuena baino apalagoak dira zigorrak. Hiru hilabetez iraun du Mazango... [+]