Adin txikiko bati sexu-erasoa egin dio gizon batek Donostiako kiroldegi batean
62 urte ditu erasotzaileak, eta aurreko astean eraso zion 13 urteko mutil bati. Leioako campusean, bestalde, gizon bat atzeman dute komun batean irudiak grabatzen.
Aurreko asteartean, hilaren 16an, 13 urteko mutil bati eraso zion gizonezko batek Donostian (Gipuzkoa). Bidebieta kiroldegiko aldagela batean gertatu zen erasoa, gaztea dutxatzen ari zela: dutxan sartu zen gizona eta masturbatzen hasi zen. Komun batean ezkutatu zen mutila, baina hara ere sartu zen erasotzailea, eta ukituak egin zizkion. Aldagelara beste pertsona bat sartu zenean, ihes egin zuen gizonak.
Astearte horretan aurkeztu zuen salaketa gaztearen familiak, eta joan den astelehenean atxilotu zuten erasotzailea, Altzako kiroldegi inguruan. Espetxeratu egin dute oraingoz, eta uste dute posible dela eraso gehiago egin izana. 62 urte ditu.
Grabaketak unibertsitateko komun batean
Euskal Herriko Unibertsitateko (EHU/UPV) Leioako (Bizkaia) campusean, bestalde, gizon bat harrapatu zuten aurreko ostegunean, komun batean irudiak grabatzen. Hain justu, Arte Ederren Fakultatean hartu ditu irudiak erasotzaileak, mutilen komunean. Ostegunean bertan atxilotu zuten.
Nina iragarritako señorizidio baten kronika da –Irantzu Varelaren terminoa erabiliz–. Pantaila handira orain iritsiko den filmak kontatzen du nola 30 urteren ondoren emakume zauritu bat herrira itzultzen den eskopeta batekin, etengabeko hileko moduko batek... [+]
Ertzaintzak jakinarazi duenez, gizonak Gasteizko Alde Zaharreko lonja batean bahituta izan du emakumea zenbait orduz, eta hainbat alditan egin dio eraso. Gizonak urruntze agindua zuen, aurrez egindako tratu txarrak tarteko. Astelehen goizean atxilotu zuen Ertzaintzak, eta... [+]
2023ko urrian jarritako salaketa baten harira, gizonaren etxeko gailu informatiko eta elektronikoak ikertzen ari da Foruzaingoa, eta material horretan aurkitu dituzte institutu bateko emakumeen komunetan egindako grabazioak, eta hainbat saltokitako aldageletakoak. Adimen... [+]
Zortzi urtean ezingo da bikotekide ohiarengana hurbildu eta 5.000 euroko kalte ordaina eman beharko dio.
Polizia-ikerketa zabalik dago eta atxilotuei konfiskatutako material informatikoa eta gailu elektronikoak aztertzen ari dira. Ertzaintzak uste du biktima gehiago egon daitezkeela. Antza, "opariak" ematen zizkieten trukean.