Hezkuntza publikoko grebak %70etik gorako jarraipena izan du asteazkenean, sindikatuen arabera
Araba, Bizkaia eta Gipuzkoako hezkuntza publiko ez-unibertsitarioko 26.000 langile inguru grebara deituta daude asteazken eta ostegunean. Lan baldintzak hobetu, hezkuntza eraiki lelopean ekin diote bi eguneko lanuzteari.
Eusko Jaurlaritzaren arabera irakaskuntzan jarraipena %44koa izan da, heziketa berezian %24koa eta sukalde eta garbiketan %14koa.
EAEko hezkuntza publikoan deitutako lehen greba eguna izan da asteazkenekoa eta irakasleen artean %70eko jarraipena izan duela adierazi du LABek. ELAren arabera, "oso zabala" izan da grebak jaso duen babesa: %75 irakasleen artean, %65 sukaldeetan eta garbiketan, %60 heziketa berezian eta %30 Haurreskoletan. STEILAS sindikatuak ere antzeko datuak eman ditu.
STEILASek, ELAk eta LABek egin dute grebarako deialdia. Lehenengo biek sektore orotan lanuzteak egitera deitu dute: irakaskuntza, heziketa berezia, Haurreskolak eta sukalde eta garbiketa zerbitzuak. LABek, haatik, irakaskuntzako grebara dei egin du.
Sindikatuen desadostasunak gorabehera, manifestazio bateratuak
Sindikatuen arteko tirabirak agerikoak dira. LABeko idazkari nagusi Garbiñe Aranburuk asteartean esan zuen ELAk greba helburu duela, ez bitarteko: "Grebek eraginkorrak izan behar dute; ezin dira helburu bat izan, bere horretan". Bestalde, LABi batasun sindikala haustea eta "Hezkuntza Sailari txeke zuria ematea" leporatu diote ELAk eta STEILASek.
ELAk, bere aldetik, LAB eta CCOOri leporatu die "murrizketa neurriak" betikotzen dituela iragan astean sinatu zituzten lan hitzarmenak –haurreskoletan, heziketa berezian eta garbiketa eta sukaldaritzan sinatu dituzte akordioak LABek eta CCOOk–.
Desadostasunak egonagatik ere, asteazkenean manifestazio bateratua egin dute 12:00etan ELAk, STEILASek eta LABek Eusko Legebiltzarraren aurrean, Gasteizen. Ostegunean, EAEko hiru hiriburuetan izango dira manifestazioak, 12:00etatik aurrera.
"Alda dezala errotik azken urteotan inposatzen ari den murrizketa eta hezkuntza politika, eta eskain diezazkiola hezkuntza publikoari ezinbestekoa duen inbertsioa eta baliabideak", eskatu diote sindikatuek Eusko Jaurlaritzari. Cristina Uriarte Hezkuntza sailburuak, bestalde, LAB, CCOO eta UGT sindikatuekin lortutako akordioak txalotu ditu eta "elkarrizketa eta negoziazioa akordioak lortzeko bidea" direla nabarmendu du.
Grebek jarraituko dute
Ekainaren 12an beste greba egun bat aurreikusi dute sindikatuek, eta apiriletik aurrera sektoreka egingo dituzte lanuzteak, astero bat: apirilaren 23ko astean irakasleek, maiatzaren 7koan Heziketa Berezikoek, eta ekainaren 4koan sukalde eta garbiketakoek.
Alabaina, datozen grebetarako ere sindikatuek ez dute akordiorik lortu, eta LABek irakasleen greba bakarrik deituko du berriro. Honekin batera, ostiralero elkarretaratzeak egingo dituztela jakinarazi dute.
Zerk motibatuta bultzatzen da bi ikastetxeren arteko fusioa? Nola uztartu norbere eskola-proiektua, eredua eta ibilbidea ondokoarekin? Zein da bidea bi eskoletako hezkuntza komunitateak ados jartzeko? Zein da Eusko Jaurlaritzaren rola?
Catering-enpresarik gabe jardun nahi duten eskolentzat bestelako eredu bat arautzea adostu zuen Eusko Legebiltzarrak 2019an. Horren ordez, catering-enpresen bidezko zerbitzua ematera derrigortzen ditu ikastetxeak Eusko Jaurlaritzak berriki argitaratu duen aginduak. Bitartean,... [+]
DBH 3 eta 4. mailako ikasleek datorren ikasturtean beharko dituzten ikasmaterialak diruz lagunduko ditu Eusko Jaurlaritzak lehenengo aldiz, EHIGE Euskal Herriko Ikasleen Guraso Elkartearen aldarrikapen historikoari erantzunez. Seme-alabak maila horietan dituzten familiek, beraz,... [+]
Euskal eskola publikoetan irakasleek sekulako lana egiten dute aniztasuna kudeatzen. Euren lana egiteko modua berrasmatu behar izan dute azken urteetan. Konplexuagoa bilakatu den mundu honetan pertsona izatea zer den esploratzeko laborategiak iruditzen zaizkit eskola publikoak... [+]
Lehen Hezkuntzako adin ezberdinetako sei ikasle baino ez ditu Zigako (Nafarroa) eskolak. Aukera baliatzen dute elkarbizitza lantzeko, tokiko curriculuma sustatzeko, landa ingurunea pedagogikoki aprobetxatzeko eta herria bera bizi eta dinamiko mantentzeko. Hori bai, ume gehiago... [+]
Hezkuntza eskumenak deszentralizatu eta tokian tokiko eragileek erabakimen handiagoa izatea: aspaldiko aldarrikapena praktikara ekartzen ari dira herri ugaritan, eta bide horretan aholkulari dabil Elhuyar. Uneotan hamar bat prozesutan buru-belarri dabiltzala eta eskaera gero eta... [+]
Legegintzaldi honetan bertan onartu nahi duten EAEko Hezkuntza Lege proiektuari zuzenketak aurkezteko epea astearte honetan amaitu da. Lege akordioa sinatu zuten alderdietako bat jausi da dagoeneko, barruan jarraitzen dutenen artean desadostasun nabarmenak dituzte eta hezkuntza... [+]
EAEko ikastetxe publikoei berrikuntza eta aholkularitza zerbitzua ematen zieten Berritzeguneak murriztu eta eskoletan postu berria sortu du Jaurlaritzak: BeAtarra. Ikastetxe bakoitzean gutxienez bat, berrikuntzaz arduratzen dena. Estreinaldi nahasiaz eta eredu aldaketaren... [+]
Ingurumaririk gabe, buru-belarri sartuko naiz harira: eskola publikoaren aldekoak oso atseginak izaten ari gara gauza batzuk eztabaidatzean. Serio, itunpeko ikastetxeekin gertatzen ari dena onartezina da. Zehaztasun eta zintzotasun osoz ahalegintzen ari gara argudiatzen, iritzi... [+]
Ikasturte hasieran salatu bezala, Hezkuntza Lege Aurreproiektuak euskal eskola publikoa sendotu ordez ahuldu egiten duela adierazi du Euskal Eskola Publikoaz Harro Topaguneak. Haien ustez, publiko-pribatu sistema duala betikotzen du, ez du eskola publikoa lehenesten, ikastetxeak... [+]
Eskola-jazarpenaren kontrako egunean, joan den ikasturteko datuak aurkeztu ditu Eusko Jaurlaritzak: 157 bullying kasu identifikatu dituzte EAEko ikastetxeetan, aurreko ikasturtean baino 28 gehiago. Bigarren Hezkuntzan izan dira kasu gehienak, eta hitzezko erasoak izan dira... [+]
Eskola-jangeletako elikaduraren kalitatea kritikatu du guraso elkarte ugarik, eta gaiaz galdetu dio EH Bilduk Jokin Bildarratz Eusko Jaurlaritzako Hezkuntza sailburuari. Catering enpresen inguruko intzidentziak helarazi zaizkienean, auditoretza-kontrolak egin dituztela erantzun... [+]
Eusko Jaurlaritzaren planifikazio dekretua eta onarpen agindua kritikatu ditu Iñigo Martinez Zaton Elkarrekin Podemos-IUko legebiltzarkideak, salatu du ikastetxe publikoan matrikulatu nahi eta itunpekora bideratu dituztela familia batzuk, eta Ikastolen Elkartearen... [+]
Leringo hainbat gurasok herriko eskola publikoan D lerroa irekitzeko eskatu zuten iaz, baina nahiz eta legeak markatutako gutxiengo eskari kopurua gainditu, gurasoek ez dute aukera hori izango, Nafarroako Gobernuaren iritziz “Leringo eskolak ez duelako espaziorik D eredua... [+]