Aberri Eguna Iruñean ospatzeko deia egin du Independentistak Sareak
Independentistak sareak martxoaren 27an Aberri Eguna antolatuko du Iruñean. "Euskal komunitateak munduan presentzia duen toki guztietan" egun hau ospatzea bultzatuko du.
Aldarrikapena eta ospakizuna uztartu nahi dituzte egun osoko egitarauarekin: eguerdian manifestazioa eta ekitaldi politikoa egingo dituzte eta, ondoren, ospakizunak segida izango du gauera arte Iruñeako kaleetan zehar, hedabideetara bidalitako oharrean adierazi dutenez.
"Aberri Egun zabal eta parte-hartzailea" antolatzea da Sarearen asmoa, "sigla eta familia politikoetatik haratago, independentista guztiek aniztasunean elkarturik" ospatzeko deia egin du.
Jakinarazi dute datozen asteetan kaleratuko dituztela 2016ko Aberri Egunaren inguruko hausnarketa politiko zabalagoa, egitaraua eta zehaztasunak.
Nazioartean ere ospatzeko deia
Mundu zabalean zehar zabalduta dagoen euskal komunitatean gora doa Aberri Eguna ospatzen den tokien kopurua urtez urte, adierazi dutenez. Independentistak sareak dinamika hori bultzatuko du munduko herrialde ugaritako sarekideen bitartez.
Sarea antolaketa lanetan sartuta dago jadanik eta martxoaren 27ko erronkari elkarlanean aurre egiteko deia luzatu die independentista guztiei.
EAJk Bilbon egin du ekitaldia, EH Bilduk Iruñean eta EH Baik eta Bagirak Uztaritzen.
Aberri egun jendetsua izan da Itsasun igandean.1500 lagunek manifestaldian parte hartu zuten eguerditan, Bagira prozesuak deiturik. Itsasuko plazatik abiatu dira Atharriraino. Eta elizaren ondoko oroit harrian izan dira hitzaldiak.
Ipar Euskal Herriko mugimendu abertzalea Itsasun elkartu zen apirilaren 9an, 60. Aberri Eguna ospatzeko, eta Bagira prozesuak iragarri zuen “fase berri bat” zabaldu dutela. Parte hartzera eta elkartzera deitu dituzte herritarrak, Izan ginen, bagira, izanen gira... [+]
Bagira ekimenak, abertzaletasunari hats berria eman nahi dio Iparraldean. Transmisio historikoa landu da lehen fasean. Aberri Egunetik goiti gogoeta berriak abiatuko ditu, bide-orri berri bat adosteko.
Koordinadorak "Euskal Herriko langile orori" luzatu dio deia parte hartzera. "Euskal Herri Langilearen identitatea" aldarrikatzeko eguna dela adierazi du.
Euskal Herria Batera plataformak dei egin du Aberri Egunaren bueltan antolatutako Udaberriko ikurraldia ekimenarekin bat egiteko, nork bere erara, "herritarron esku baitago euskal komunitatearen ospakizuna antolatzea eta ikurrak lau hazietara banatzea". Aurten beteko... [+]
Jokin eto Itziar, gehienetan elkarrekin ageri den bikotea. Biok Herri Batasunako militanteak dira, eta bertako Mahai Nazionaleko partaideak. Beregana jo dugu Aberri Eguna gertu dugula eta,... [+]
Aberri Egunaren ataritan farola batetik ikurrina zintzilikatzen ari zirela identifikatu zituen hiru pertsona Gasteizko Udaltzaingoak. Mozal Legea aplikatu diete, eta 100 euroko isuna jarri bakoitzari.
Euskal Herria Baterak jakinarazi duenez, Espainiako Gobernu Delegaritzak, COVID egoera aitzaki harturik eta honen inguruko segurtasun neurriak ezin bermatzea argudiatuta, debekatu egin ditu Aberri Egunean Iruñeko hainbat auzoetatik Gaztelu Plazaraino deitutako zutabeak.