Abeltegiako gazteek espazio “ko-gestionatua” proposatu diote Aspace eta Nafarroako Gobernuari
Ekainaren hasieran okupatu zuten hamabost gaztek Baztango “hizkuntza murgiltze zentroa”. Zazpi urtez hutsik egon eta gero Aspaceri utzi nahi dio orain eraikina Nafarroako Gobernuak.
Audio bidez igorritako oharrean, Lekarozko "Abeltegian" dauden gazteek erakina okupatu zutenetik hona gertatutakoaren euren ikuspegia eman nahi izan dute eta administrazioaren asmoei erantzun diete.
Azaldu dutenez, eraikinari “zazpi urtetan ez dio inork begiratu ere egin” eta eurek “kolorea” eman diote alternatiba bat planteatuz. Hala, hiru zutabetan banatutako proiektu “parte-hartzailea” dute esku artean: barnetegia, landa eremua eta aisialdia.
Nafarroako Gobernuak eraikina Aspaceri uzteko asmoa du hitzarmen baten bidez, honek urtean aste batzuetan erabili dezan antolatu ohi dituen udalekuetan.
Nafarroako Lur eta Etxebizitzaren sustapenerako Nasuvinsa sozietate publikoaren kudeatzaile Jose Maria Aierdiri proposamena helarazi diote gazte okupek, Aspacerekin espazio ko-gestionatu bat elkarbanatzeko aukera planteatuz, biak “bateragarriak” direlako, eta eraikinaren mantenua ere euren gain hartzea eskaini dute.
“Nafarroako etxebizitza hutsek sorturiko kongestioa libratzeko ko-gestioaz ari gara, ez gara ezer asmatzen ari, posible da” diote gazteek oharrean. Zentzu horretan, “ausardia” edukitzeko eskatu diote Nasuvinsako kudeatzaileari.
Diario de Noticias-ek zabaldu duenez, une honetan Gobernua zain dago epaileak kautelazko deslojoa agindu dezan. Erran.eus atariak berriz, esan du gazteak desalojatzeko Gobernuaren eskaria atzera bota zuela hasiera batean epaileak eta horren ordez ekainaren 20an epaiketa azkarra egingo dute.
Gazteek honela erantzun diote asmo horiei: “Proiektu serio bat aurkeztu bitartean ez gara hemendik joanen, epaile batek guri arrazoia kendu arte ez gara hemendik joanen, epailearen sententzia iluna etortzean gu alaiki aterako gara, egin duguna ondo dagoenaren konbentzimendu osoz”.
Ostiralean, hilak 18, "pizza-potea" eta kontzertuak antolatu dituzte udako programa kulturalari hasiera emateko.
Bertan behera geratu da Barakaldoko epaitegian egingo zen Sastraka Gaztetxeko bederatzi kideren aurkako epaiketaren ahozko saioa. Akusatuen defentsak egozten zaien okupazio delitu arinaren preskripzioa planteatu du, eta Fiskaltzak karguak erretiratu ditu.
Urtebetez egon da Gasteizko Alde Zaharreko frontoi okupatua itxita, 2023an kazkabar ekaitz batek teilatua apurtu ostean. Pozik daude pilotalekua kudeatzen duen Txapa Ahotsa asanbladako kideak, konponketa prozesuak erakutsi dielako pilotalekua “espazio garrantzitsua”... [+]
Dutxa Etxea zena 2013an itxi zuten Javier Marotoren alkatetza garaian, “integrazio arazo bat” zela argudiatuta. Uztailaren 22an auzoko zenbait eragile eta bizilagun Alde Zaharreko lokalean sartu ziren Herri Labanderia izeneko garbitegia martxan jartzeko. Udaltzaingoa... [+]
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Lokalaren jabeak eta Ertzaintzak desalojatu eta hesitu egin dute Jardun Koordinadorak maiatzaren 1ean okupatu zuen Kantauri espazioa. Jauregi Jenerala kalean dago lokal hori, eta bi hilabetez egon dira Jardun Koordinadorako kideak bertan, hainbat gorabehera izan badituzte ere.
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]
Zazpi urtetik gora okupatuta eman ondoren hustu egin dute Aiztogile kaleko 92. zenbakia.
'Desokupa kanpora' lelopean, elkarretaratzea egin dute larunbatean, etxebizitzaren aurrean.
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]
Lurrak espekulaziorako eta dirua egiteko helburu bakarrarekin darabiltzaten jabeak badira Euskal Herriko hamaika txokotan; horren adibide nagusi izan dira azken urteotan Arbonako, Senpereko eta Kanboko esperientziak. Baina Hego Euskal Herrian ere badira antzeko kasuak; Uribe... [+]