Espainiak ez ditu aintzat hartuko presoek Frantzian betetako kondena urteak, Gorenaren erabakiz
Espainiako Auzitegi Gorenak Kepa Pikabearen kasuari buruzko erabakia hartu du asteartean: Frantziako Estatuan betetako espetxe urteak ez zaizkio kenduko Espainian duen zigorretik.
9 aldeko botorekin eta kontrako 6rekin hartu dute epaileek erabakia. Alberto Pradilla Garako kazetariak iragarri duenez, boto partikularra ere egongo da.
Europar Batasunaren zuzentarauaren kontra
2008an Europar Batasunak bere eremuko espetxe zigorrak batzeko agindu zuen eta zuzentarau horren testuinguruan hartu dute epaileek erabakia Kepa Pikabea presoaren kasuan. Baina ebazpen honekin antzeko egoeran diren beste presoentzat irizpidea ere finkatuko da itxura guztien arabera. 50 pertsona dauden egoera horretan.
Gorenaren epaiari helegitea jar dakioke. Bestalde, ikusteko dago neurriak nola eragingo dien Frantziako Estatuan betetako urteak kenduta kalera atera ziren presoei. El Mundo egunkari espainiarraren arabera, Santiago Arrospidek eta Alberto Plazaolak kartzelara itzuli beharko lukete astearteko erabaki judiziala aplikatuz gero.
Epai kontrajarriak
Auzia korapilatuta iritsi da Gorenera, lehenago Auzitegi Nazionaleko bi sekziok iritzi kontrajarriak hartu zituztelako.
Lehengo Sekzioak Carmen Gisasolaren askatasuna agindu zuen azaroaren 24an, honek Frantzian betetako 10 urteak Espainiako zigorrean aintzat hartu ondoren.
Abenduaren 4an Santi Arrospide eta Alberto Plazaola presoak aske geratu ziren, sekzio berak irizpide bera jarraitu ondoren. Auzitegi Nazionaleko fiskaltzak helegitea jarri zuen erabaki honen aurrean eta Espainiako Gobernuak eta AVTk oso gogor kritikatu zuten.
Auzitegi Nazionaleko Bigarren Sekzioak, ordea, Iñaki Bilbaoren kasua aztertu zuen, eta ez zuen Europar Batasuneko zuzentaraua onartu, bere ustez berau ez zelako automatikoki indarrean jarri behar eta itxaron zitekeelako ea Espainiako legediak zehazten zuen aplikazioa.
Eta abenduaren 5ean sartu zen indarrean Espainiako Legebiltzarrak zuzentaraua indarrean jartzeko prestatutako Lege Organikoa. Honen arabera, zuzentaraua indarrean jarriko da Espainian ere, baina ez die eragingo 2010eko abuztuaren 15a baino lehenago jarritako zigorrei, eta zigor kontaketa berria eskatu duten ia 60 euskal presoen Frantziako zigorrak data horren aurrekoak dira.
Palestinako umeek ere galdera hori buruan ote duten pentsatu dut gure liburua eskuartean dudala. Zenbat lo falta ote diren genozidioa amaitzeko. Zenbat haur hil ote behar dituen oraindik Israel estatu sionistak munduko estatuen konplizitatearekin.
Beraien amei luzatuko ote... [+]
Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.
Subijanaren eta Borderen kasuan bigarren aldiz, Basauriko espetxeak onartutako hirugarren gradua lehengoratu du Espainiako Espetxe Zaintzako Epaitegi Zentralak. Subijana preso arabarra larriki gaixo dago. Sarek “atsekabea eta haserrea” adierazi ditu, eta... [+]
Urriaren 1ean bi urte bete dira Eusko Jaurlaritzak EAEko espetxeen kudeaketa bere gain hartu zuenetik. Bi urteko balantzearen txostena argitaratu berri du. 1.577 pertsona daude preso. %86 daude zigortuta, %8 emakumeak dira eta %31 hirugarren graduan daude. Euskal Espetxe... [+]
Fiskaltzat euskal presoen gradu progresioen hiru laurdenei errekurtsoa jarri diela salatu du. Martxan diren salbuespeneko politikekin bukatzeko beharra aldarrikatu du presoen eskubideen aldeko plataformak.
Espetxe politikaren ondorioz euskal preso politikoen “eskubideen urraketak” ematen direla salatu du Sarek, eta lege arrunta aplikatuz guztiak “etxera bidean” jartzeko unea dela aldarrikatu du. Donostiako manifestazioa abuztuaren 19an izango da, eguerdiko... [+]
Sare Herritarrak elkarretaratzea deitu du abuztuaren 4an Urretxun. Epaitegiak euskal presoen eskubideei “boikot” egiten ari direla salatu dute.
Bizkaia, Gipuzkoa eta Lapurdiko hamabost hondartzetan antolatu ditu mobilizazioak Etxeratek, Etxera lelopean.
Elkarretaratzea egin dute larunbata eguerdian Laudioko Herriko plazan, Pili Arsuaga eta Fontso Isasiren heriotzaren 33. urteurrena dela eta. Bi bizilagunak 1990ko uztailaren 1ean zendu ziren, Maribi Ramila euskal preso politikoa bisitatzera zihoazela izandako trafiko istripuan... [+]
Ministerio Fiskalak Eusko Jaurlaritzako Justizia Sailaren martxoaren 2ko erabakiaren aurka jarritako errekurtsoa berretsi du Espetxe Zaintzako Epaitegi Zentralak. Ondorioz, preso politiko errenteriarra bigarren gradura itzuliko da.
Pasa den martxoaren 25ean ofizialki bukatu zen euskal presoen sakabanatzea. El Paíseko lerroburuaren arabera, "34 urte igaro eta gero, Espainiako Barne Ministerioak amaiera eman dio ETAko presoen sakabanatzeari". Euskal Herriko komunikabideek ere dataren berri... [+]
Apirilaren 17an Preso Politikoen Nazioarteko eguna dela eta, agiri bat kaleratu du kolektiboak, eta gogorarazi du urruntze eta sakabanaketa politika bukatu izana “luzaz itxarondako albistea” zela.
34 urtez luzatu den euskal preso politikoen sakabanatze politika amaitutzat eman dute Etxeratek eta Sarek, ostiralean Espainiako Gobernuak iragarritako bost Euskal Herriratzeekin. Pozez hartu dute berria bi elkarteek, eta iragarri dute orain lanean jarraituko dutela preso,... [+]