4.300 euroko isuna ezarri diote Ziburuko ikastolari
Irailaren 9tik, Marinela gunean jarraitzen duen egun bakoitzeko 100 euro ordaintzera kondenatuta dago Ziburuko ikastola. Uxerrak oraindik haurrek han jarraitzen dutela ziurtatu du, eta 4.300 euro eskatu dizkio ikastolari.
Paxkal Indo Seaskako lehendakariak adierazi duenez, isun ekonomiko hori ordaintzeko prest daude, “kondenaren baldintzak argitu eta gero”.
"Guk pentsatzen genuen, isuna pagatuz gero tokian egoteko eskubidea izanen genuela, eta ez isuna ordaindu eta gainera tokia utzi beharra".
Horregatik, ikastolaren abokatuak gutun baten bidez kondenaren baldintzak argitzea eskatuko du. “Horren ostean isuna pagatuko dugu, Euskal Herriak emandako sostengua horrentzat izanen delako”, azaldu du Indok.
Kaskarotenearen proposamenei ezetza
Kazeta.eus-ek jaso duenez, Seaskak eta Ziburuko ikastolak hiru proposamen egin zizkioten Herriko Etxeari irailaren 12an.
Proposamenetako bat, egokiena iruditzen zitzaiena, ikastola Zokoan, Kontseilu Orokorraren eremu batean kokatzea zen. Guy Poulu Ziburuko auzapezak, ordea, ez zuen bakar bat ere aintzat hartu.
Auzapezak Kaskarotenea ikastola Oletako bidean den eraikuntza batean, Xuritun, kokatzea proposatu zien gurasoei. "Eraikinak eta eremuak ez ditu umeentzako baldintza egokiak betetzen", azaldu du Laida Mugikak, Kaskarotenea ikastolako presidenteak.
Autopistatik gertu egoteaz gain, zentrotik urrun dagoela argudiatu du. "Ez dugu egin bide luze hau Xuritun bukatzeko”, aldarrikatu du Mugikak.
Manifestazioa, azaroaren 8an
Kaskarotenearen aldeko manifestazioa deitu dute gurasoek eta Seaskako bozeramaleek azaroaren 8rako, “Ikastolak ez hunki” lemapean.
Hastapen gogorrak izan ziren Ziburuko ikastolarenak: Herriko Etxearekin adostutako eraikinetik bota nahi izan zituen auzapezak eta argindarra moztu zien, Polizia bidaltzearekin mehatxatu, isuna ezarri… baina elkartasun uholdea jaso zuen Kaskarotenea ikastolak eta aurrera... [+]
Ziburuko auzapezak jarritako oztopei aurre egitea lortu dute Kaskarotenea ikastolako kideek. Asteazkenean hasiko dute ikasturtea haurrek ikastolaren eraikin berrian.
Igande honetan, maiatzaren 10ean, Herri Urrats 32. ekitaldia Senpereko lakuan. Ospakizunean bildutako dirua Ziburuko ikastola berria eraikitzeko izanen da.
Ez da inolako akordiorik lortu Ziburuko Kaskarotenea Ikastolaren eta Herriko Etxearen artean. Seaskak, Kaskarotenea Ikastolak, behin eta berriz azpimarratu du ikastolak zerbitzu publikoa eskaintzen duela, euskaraz ikasteko aukera emanda herriko haurrei. Laida Mujika ikastolako... [+]
Kaskarotenea ikastola Ziburun mantentzeko 300.000 euroko balioa duen lursail bat erosiko du Seaskak. Herri Urratsen bilduko den dirua erabiliko dute gastu horri aurre egiteko.
Ziburuko udaletxeko batzarrean, Guy Poulou auzapezak Ziburu Biziko zerrenda buru Eneko Aldanari mehatxu egin dio: "Eskopeta batekin joan eta tiro egiteko gogoa daukat". Bideoz ikus daiteke unea, 2:23:00 unean.
Seaskaren arabera 6.000 lagun bildu ziren azaroaren 8an Ziburun, Kaskarotenea ikastolako haurrek euren herrian eraikin duin batean ikasi ahal izatea aldarrikatzeko. Baina manifestazio jendetsuak ez duela hunkitzen argi utzi zuen herriko auzapezak egun batzuk lehenago Berrian:... [+]
Seaskaren arabera 6.000 lagun bildu ziren azaroaren 8an Ziburun, Kaskarotenea ikastolako haurrek euren herrian eraikin duin batean ikasi ahal izatea aldarrikatzeko. Baina manifestazio jendetsuak ez duela hunkitzen argi utzi zuen herriko auzapezak egun batzuk lehenago Berrian:... [+]
Ziburuko auzapezak Zaldi Xurito auzoko eraikina proposatu dio Kaskarotenea ikastolari. Jon Bergarak bertako irudiak bildu ditu bideo honetan. Inguru heze eta aldenduan kokatzen da, eta autoen zarata etengabekoa da, autobidetik hurbil baitago.
Berriak argitaratutako elkarrizketan hitz adierazgarriak atera dizkio Guy Poulou Ziburuko auzapezari Nora Arbelbidek. Euskararen eta ikastolen aldekoa dela dioen arren, ez du “betebehar moralik sentitzen” Kaskaroteneari herri barruan leku bat uzteko.
Seaskako 31 ikastolek ostiralean argirik gabe emango dituzte klaseak 11:00etatik 12:00etara. Ziburuko ikastolari elkartasuna adierazi nahi diote horrela, bertako haurren egoera irudikatzeko eta, bide batez, argindarraren ekarpenaz jabetzeko.
Zorrak eta isuna ordaintzen laguntzeko, 10.000 euro bideratuko ditu Udalbiltzak Kaskarotenea ikastolarentzat Euskal Garapen eta Kohesio Funtsetik.
Laida Mujika Ziburuko Kaskarotenea ikastolako zuzendaria da. Haurrak Marinela gunetik kanporatu nahi ditu Ziburuko auzapezak. Egunero 100 euroko isuna ordaintzeaz gain, argindarrik gabe daude orain. Denbora gutxian zenbat gertakari jazotzen diren ikusita, “astez aste... [+]
Esku-argi edo linternekin eta kandelekin argitu dituzte Ziburuko ikastolako gelak, Guy Poulou auzapezak argindarra moztu ostean. Leku egoki bat aurkitu arte ez direla bertatik mugituko esan du Laida Mujika zuzendariak. Larunbateko manifestazioari garrantzia eman diote Seaskatik.
Guy Poulou Ziburuko auzapezak bere hitza bete eta argindarra moztu dio Kaskarotenea ikastolari.