Bilboko gazteak gose greba hasi eta egun gutxitara beste bost lagun gehitu zitzazkion. Haiek ere protesta utziko dutela adierazi dute.

“Ezer ez egitea da ezertarako balio ez duen gauza bakarra” esaldiarekin amaitu dute hamarnaka pertsonen aurrean irakurri duten komunikatua.

Hilabete baino gehiagoan janik probatu gabe egon diren denboran “gosea eta nekea izanagatik jarrera aktiboa” izan dutela baieztatu dute. “Gutxi batzuen aberastasunerako eta gehiengoaren kalterako zerbitzu publikoen pribatizazioaren kontra gauden herritar gisa hezkuntza eta osasun protestetan parte hartu dugu. Baita garbitasun arloan eta Telemadriden izan dituzten enplegu erregulazio espedienteak (EEE) salatzeko. Desjabetutako familiei elkartasuna adierazi diegu, eta frankismoaren biktimen eta umeen lapurreta pairatu zutenen ondoan egon gara. Elikagaien bilketa bat antolatu dugu eta beharra dutenen artean banatu”, jakinarazi dute Arzuagak eta kideek.

Ezkutuko Estatu kolpea

Egoera okerrera doala-eta “Herritarren Segurtasunerako” lege proiektu berriaren aurrean kezkatuta agertu dira gose greba aurrera eraman dutenak. Haien esanetan, "Kode Penalaren erreforma horrek garbi adierazten du PPk legegintzaldia hasi zuenetik martxan jarri duen isilpeko Estatu Kolpea".