40 emakumeri aitortza, Elgetan, apirilaren 24ko Erresistentzia Egunean
Herria omenaldirako prestatzen ari da. Datorren astean zabalduko dute 55 argazkiz osatutako Azken batailoia erakusketa. Antolatzaileek gertu dute egitaraua: bisita gidatuen eskaintza zabaldu egin dute, Intxortako borrokaldien errekreaziorako 125 boluntario elkartu dituzte, eta prest dute emakume omenduen zerrenda.
Espainiako gerran "askatasunaren alde borrokatu ziren" gudarien eta milizianoen 55 argazkiz osatutako Azken batailoia erakusketarekin abiaraziko dituzte aurtengo Intxortako Erresistentzia Eguneko ekitaldiak. Datorren astean zabalduko dute Elgetan erakusketa, "apirilaren 12an edo 14an, ze Bizkaiko Batzar Nagusietan dago asteotan, jende asko dabil hura ikusten, eta eskatu digute beste 10 egunez luzatzeko", esplikatu du Juan Ramon Garaik, Intxorta 1937 Kultur Elkarteko ordezkariak.
Milizianoez gain, iaz omendu zuten Josefina Lambertoren argazkia ere bada Azken batailoia erakusketan. Maravillas Lambertoren ahizpa da hura: falangistek aita atxilo hartu zutenean, Maravillas Lambertok harekin joan nahi izan zuen; Larragako Udaletxera (Nafarroa) eraman zituzten biak, eta, UGTko kide zen aita udaletxeko kartzelan zuten bitartean, alaba behin eta berriro bortxatu zuten, eta gero hil. Haren gorpua biluzik txakurrei eman zieten eta gorpuzkiak erre egin zituzten. Aita ere erail egin zuten. Bada, Lambertoren argazkia baliatuta gura dute iragarri hurrengo erakusketa emakume erresistente eta errepresaliatuen gainekoa izango dela. Argazkiak Mauro Saravia txiletarrak ateratakoak dira.
Sei emakume debagoiendar
Hain zuzen, apirilaren 24an –domeka– egingo dute Intxortako Erresistentzia Eguna, Elgetan, justu frankistak Elgetan sartu ziren egun berean. 40 bat emakumeri egingo diete aitortza; errepresaliatuak eta erresistentziako kide izan ziren emakumeei, hain zuzen. Aitortza egingo diete, besteak beste, Arrasateko Iñigo Arregi eskultura-egileak egindako Egiaren iturria oroigarria emanez.
Aitortza jasoko dutenen artean sei debagoiendar daude; bizi direnak: Felisa Garai –94 urte, Elgeta– eta Trini Ruiz de Alegria –92 urte, Arrasate–. Eta erail zituztenak edo hilda daudenak: Isabel Beritxinaga –Elgeta–, Emeteri Aranburuzabala –Eskoriatza–, Edurne Galartza –Oñati– eta Norberta Ezpeleta –Bergara–.
125 boluntario errekreaziorako
Aurrera doaz baita ere Intxortako Atea-ren aurrean beste urte batez egingo den Intxortako borrokaldien errekreazioko prestaketa lanak. Elgetako Udalak emandako datuen arabera oraingoz 125 boluntario daude izena emanda, tartean 33 emakume. Elgetarrak 34 dira.
Bazkarirako txartelak salgai
Antolatzaileek jakinarazi dute, bestalde, udaletxean daudela salgai Erresistentzia Egunean Elgetako frontoian egingo den bazkarirako txartelak. Prezioa da 16 euro, eta txartelak Elgetako udaletxean daude salgai.
Menu berezia izango da antolatzaileek gerra garaiko elikagaiak aukeratzen saiatu direlako: txitxirioak edo garbantzuak, haragia, kontserbako arraina eta kanpainako gailetak.
Bisita gidatuak hurrengo bi domeketan
Gogoratu azkenik Elgetan bisita gidatuen eskaintza zabalagoa dutela apirilean. Bisita gidatuak ere iragarri dituzte bai domeka honetarako bai hurrengorako. Hurrengo bi domeketan Intxortako frontea gidari baten laguntzaz ezagutzeko aukera emango dute. Bisitok Espaloia kafe antzokian dagoen interpretazio zentrotik abiatuko dira 10:00etan, eta ondoren bost kilometroko ibilbide tematikoa egingo dute bisitariek oinez.
Interesatuek aurrez eman behar dute izena. Bideak hainbat dira: turismo@debagoiena.eus / 943 79 64 63 / 943 71 89 11.
Informazio gehiagorako: www.elgetamemoria.com
Albiste hau Goiena.eus-ek argitaratu du eta CC-by-sa lizentziari esker ekarri dugu ARGIAra
Aragoiko Asabón errekak zeharkatzen duen lurraldeak hainbat ustekabe eder gordetzen ditu. Ez naiz historialaria, eta, hortaz, ez dut halako kronika historiko bat eginen. Bereziki mendizale gisa mintzatuko naiz, aspaldi honetan nire gogoak –nire senak– halako... [+]
Otxandioko bonbardaketaren erantzule nagusietako bat da Angel Salas Larrazabal urduñarra. Hortaz, herritarren aurka Euskal Herrian eginiko lehen bonbardaketan parte hartu zuen.
Gurasoak hilik, etxeko ganbara husteari ekin zioten
seme-alabek. Hainbat gauzaren artean, koaderno eta paper sorta, argazkiak eta nahi beste agiri. Bego Ariznabarreta Orbeak aita aspaldi zenduaren gerrako memoria harrigarriak zurian beltz irakurri, eta jabetu zen altxorraz,... [+]
Larunbatean aldundian egindako ekitaldian Azconaren biloba María Jesús Fuertesek jaso ditu gorpuzkiak, bere seme-alabekin batera. Ekitaldian gogorarazi dute 1936-1945 urteen artean 376 pertsona exekutatu zituztela, horietatik 299 epaiketarik gabe.
Pilotari famatua izan zen, munduko txapelduna, baina tartean behin baizik ez zuen Euskal Herrian jokatu, Mexikon jaio, hazi eta hantxe bizi baitzen, gurasoak haraxe joanda 1936ko gerratik ihesi. Abertzalea, Mexikoko euskal etxeko presidentea, Jaurlaritzaren aholkularia,... [+]
Hari buruzko aipamenik apenas iritsi zaigu historia liburuetan, baina Jesús Carrera Olascoaga (Hondarribia 1911 – Alcala de Henares 1945) Espainiako Alderdi Komunistaren idazkari nagusi izatera iritsi zen. Frankistek atxilotu, torturatu eta fusilatua, bere... [+]
"Garai batean, nire herrian, kateme guztiek Remigia izena zuten, kateme belaunaldi oso bat, Iruñeko ikuspegi panoramiko ederrenak konkistatu zituztenak”. Horrela hasten da Remigia Etxarren funanbulistaren bizitza kontatzen duen Argako erregina antzezlana... [+]
86 urte bete dira asteazkenean Iruñean 795 preso errepublikarrek Europako ihesaldi handiena egin zutela. Aldiz, abantzu 800 iheslari horietarik bakarrik hiruk erdietsi zuten muga trabeskatzea.
Madrilgo Cuelgamurosen, Erorien Harana deituriko monumentuan arkeologoak egiten ari diren indusketetan etengabe ari dira jasaten eskuin muturreko jendeen presioa, hala adierazi du Pako Etxeberria auzitegi-medikuak. Egunotan, biktima errepublikarren senideek bisitatu ahal izan... [+]
Andatza mendia memoria leku bihurtu zuen Usurbil 1936 elkarteak apirilaren 13ko birsortze historikoan. Herritarren lan boluntarioarekin berreskuraturiko lubakiak antzezleku bihurtu ziren egun batez. Gerraren eraginez Usurbilen jazotakoak elkarbanatzeko enegarren ekimena izan da.
87 urte bete dira ostiral honetan, 1937ko apirilaren 26an abiazio faxistak Gernika bonbardatu eta sarraskitu zuenetik. Urtero legez ekitaldi andana antolatu dute erakunde eta eragile sozialek. Tartean, pasealekuan eta Astra fabrikan dauden sirenak martxan jartzea.
Ángel Salas Larrazabal militar frankista urduñarrak gidatzen zuen hegazkinak bonbak bota zituen Otxandioko Andikona plazan zibilen aurka, 1936ko uztailaren 22an. Gutxienez 61 herritar hil ziren. Frankismoan hainbat kargu militar eta politiko izan zituen, eta 1991n... [+]
Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]
Otsailaren 21ean Missak Manouchian eta Melinée Assadourian senar-emazte armeniarren gorpuzkiak Pariseko Panteoian sartuko dituzte ohore guztiekin. Poeta eta partisano komunista, Manouchianek ekintza ikusgarriak gidatu zituen Bigarren Mundu Gerran okupaturiko Frantzian,... [+]