36 urteko kartzela zigor eskaera Esako urtegiko lanen aurka protesta egiteagatik
Fiskaltzak bi eta sei urte arteko kartzela zigorra eta 22.020 euro arteko kalte ordainak eskatu ditu zortzi inputatuetako bakoitzarentzat. 8 de Yesa plataforma sortu dute inputatuen egoeraren berri emateko.
2012an Artiedan (Aragoi) Esako urtegiaren handitze lanetarako abiatutako desjabetzeen aurka protestan ari zirenei oldartu zitzaien Guardia Zibila. Errepidean elkartu ziren modu baketsuan, baina desjabetze aktak exekutatu behar zituzten Ebroko Komisio Hidrografikoko funtzionarioek aurrera egin ezin izan zutenean, Guardia Zibilak manifestarien aurka egin zuen. Hainbat zauritu egon ziren, eta nahiz eta Guardia Zibilak atzera egin, hilabete batzuen buruan zortzi pertsonek salaketak jaso zituzten protestaren egunean identifikatu ez bazituzten ere.
Desordena publiko, autoritatearen aurkako atentatu eta lesioengatik inputatu dituzte Arriel Dominguez, Oscar Ara, Sergio Palacin, Chesus Maria Royo, Miguel Palacín, Jorge Luis, Alex Ubieto eta Javier Lopez. Kargan parte hartu zuten hamasei Guardia Zibilen aurkako salaketa, ordea, artxibatu egin zuen Zaragozako Auzitegi Probintzialak. Gobernuaren ordezkariak adierazi zuen ez zela kargarik izan, Guardia Zibilak “bidea ireki” zuela soilik. Esako zortziek azaldu dute ez zela abisurik izan eta poliziek bat-batean eraso zietela.
Artiedako herritarrek Rio Aragon elkartearekin batera urteak daramatzate Esako urtegiaren handitze lanen aurka borrokan. Proiektua 1985ean aurkeztu zuten, eta 2001ean martxan jarri. Ordutik hona urtegiaren inguruko lurrak desjabetzen aritu dira. Chema Royok, inputatuetako batek, 2012an Artiedan gertatutakoa desjabetze masiboa izan zela adierazi du La Directari eskainitako elkarrizketan.
Hiru urteren ostean 8 de Yesa plataforma sortu dute dirua bildu, inputatuen egoeraren berri eman eta herritarrei elkartasuna eskatzeko. Plataformaren webgunean kargaren bideoak eta materialak aurki daitezke. Baita inputatuen aldeko manifestua sinatzeko aukera ere. Zenbait alderdik babesa adierazi die Esako zortziei, eta Zaragozako Udalak euren aldeko mozio bat onartu du Zaragoza en Común, CHA, PSOE eta Ciudadanosen babesarekin.
Nafarroako Justizia Auzitegiak bertan behera utzi du Nafarroako Gobernuak Geoalcali enpresari potasa ustiatzeko emandako baimena, Sustrai Erakuntzak eta Ekologistak Martxanek jarritako helegitearen ondoren.
"Segurtasun faltagatik" geldirik daude Esa urtegia handitzeko lanak Rio Aragon Elkartearen esanetan. Lan horien kontratua eteteko eta proiektua berrikusteko eskatu du talde horrek. "Bideragarritasun eza" onartzeko eskatu diote Ebroko Ur Konfederazioari.
Lanak duela 22 urte hasi ziren, baina urtegiaren eraikuntzak hamaika arazo izan ditu, eta oraindik lanek atzera-aurrera jarraitzen dute. Rio Aragón elkartearen eskaerari erantzunez, lanak 2027an bukatzea aurreikusten duela erantzun du CHE Ebroko Konfederazio... [+]
Ikerketa geologikoek behin baino gehiagotan ohartarazi dute, eta, orain, satelite bidezko zaintzatik heldu da abisua: Esako urtegia ez da egonkorra. Copernicusek, Lurra behatzeko Europako Batasunak abian jarritako programak, "mugimendua" antzeman du urtegiaren... [+]
Euskal Herria zeharkatzen dutenen artean ibairik handiena da Ebro. Haren ertzean mintzatu gara, Ollero bizi den Zaragozako sarreran, lertxunaren ibili geldoa, txorien kanta zoroa eta ibaiaren emari barea lagun, udaberria 33 gradura lehertu den arratsaldean, zorionez arbolen... [+]
Urtegiaren eskuin hegalak desegonkor jarraitzen duela eta, beraz, arrisku maila bat dagoela ondorioztatzen du. Txostena Ingeotyc enpresako Valentin Ibarra eta Tomas Morales geologoek egin dute Zangozako Udalaren enkarguz.
Nafarroako Gobernuko lehendakariorde Javier Remirezek azalpenak eman zituen Nafarroako Legebiltzarrean, duela hamabost hilabete amaitu baina orain arte plazaratu gabe egon den presaren segurtasunaren inguruko ikerketa baten harira. Ikerketa Espainiako Gobernuaren enkarguz egin... [+]
Azkenean agertu da “galduta” ibili den Esako urtegiko segurtasunari buruzko Espainiako Gobernuaren txostena eta urtegiko lanekin aurrera jarraitzea ahalbidetzen du
Espainiako Bide Ubide eta Kaietako ingeniarien Kolegioari egin zion enkargua Espainiako Gobernuko Trantsizio Ministerioak, ikusteko urtegiaren bideragarritasunaz erakundeak zer zioen.
Nafarroako Pirinioetako Aizpurgi herrian presa bat eraiki eta lur azpiko kanal baten bidez ura Esa urtegira eramateko proiektua kendu egin du Ebroko Konfederazio Hidrografikoak bere plan hidrologikotik.
Euskal Herriko hainbat tokitan izan dugun uda idorra ari da nabaritzen jadanik. Ebroko Konfederazio Hidrografikoak (CHE) jasotako datuen arabera, Nafarroan biltegiratutako ura azken hamarkadako batez bestekoaren oso azpitik dago, eta Esako urtegiaren kasuan gehienezko mailaren... [+]
Espainiako Gobernuak onartu duen Muga proiektuak 1.700 hektareako meatzea aurreikusten du Nafarroako Xabier eta Zaragozako Undués de Lerda udalerrien artean, Esako urtegitik oso gertu. Adituen ustez, besteak beste, inguruko erreka eta akuiferoak kutsatuko lituzke, lurra... [+]
Esako urtegiaren inguruan eta azken asteetan Nafarroan izaten ari diren mugimendu sismikoez erakutsitako jarrera dela eta, Sustrai Erakuntzak gogor kritikatu du Javier Remirez Nafarroako Gobernuko presidenteordea eta Babes Zibileko arduraduna. Ondorengo lerroetan irakur daiteke... [+]
Azken bi egunetan nahasmen handia egon da Esako urtegia handitzeko lanen inguruan. Asteartean Teresa Ribera Espainiako Gobernuko Trantsizio Ekologikorako ministroak esan zuen ez zela urrats bat gehiago aurrera egingo segurtasuna erabat ziurtatu arte. Aturando Esa (Esa Gelditzen)... [+]