Libiako kostaldetik abiatu den ontzia olatu batek jo du eta 200 pertsona uretara erori dira. 34 lagun hil dira, horietatik hamar bat haurrak. Italiarantz zihoazen 1.700 pertsona baino gehiago erreskatatu dituzte.
500 iheslari inguru zeramatzan ontzi bat Zuaratik atera da, Italiarako bidean. Libiako kostaldetik 50 metrora eskoratu da eta 200 lagun inguru uretara erori dira, erreskatea koordinatu duten kostazainek azaldu dutenez. MOAS Gobernuz Kanpoko Erakundeak eta itsasozainek bizirik atera diren pertsonak sorotsi dituzte eta 34 hilotz berreskuratu dituzte. Desagertutakoak eta gorpuak bilatzeko lanek jarraitzen dute.
Hondoratutako ontziaz gain, azken orduetan Italiako kostalderantz zihoazen 1.700 pertsona inguru sorotsi dituztela jakinarazi dute kostazainek. Hamar operazio egin dituzte.
MOASeko boluntario batek Twitter bidez zabaldu duen argazkian honakoa idatzi du: “Ez da beldurrezko film bat… Europako ateetan gaur gertatzen ari den tragedia erreala da”.
not a scene from a horror movie...Real life tragedy unfolding on Europe's doorstep today! pic.twitter.com/OcJH8C92Yh
— Chris Catrambone (@cpcatrambone) 2017(e)ko maiatzak 24
Libiakoa munduan gehien erabiltzen den itsasbidea da, baita arriskutsuena ere. Aurten 59.135 pertsona iritsi dira Europara Mediterraneotik, eta horietatik 50.039 Italiako kostaldera iritsi dira, iaz baino %46,16 gehiago.
Calabriako (Italia) kostaldetik 120 miliatara hondoratu da astelehenean ontzi bat eta erreskate lanetan, haurdun zegoen emakume bat hil da. Libiatik gertu beste ontzi batean, ura sartu eta hamar pertsona hil dira sotoan. Desagertuen artean gutxienez 26 ume daude.
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]
2021eko abuztuaren 15ean, talibanek Kabul mendean hartu zutenean, milaka afganiar ihes egiten saiatu ziren. Soilik hilabete hartan, 35.000 pertsona baino gehiagok zeharkatu zuten Pakistango muga, eta 2022. urtea hasi orduko 145.000 ziren beste aldean. Aldiz, gertakari horien... [+]
Ongi Etorri Errefuxiatuak plataformak urteroko Marea Horia izeneko mobilizazioa egin du zapatuan, Plentzia eta Gorlizko hondartzetan. Horietan bildutako lagunek salatu dute mundu osoko milioika pertsonak, euren jatorrizko herrialdeak utzi eta Europara iritsi nahian,... [+]
Zalaparta sortu du Libia eta Tunisiako mugako basamortuan hilik ikus zitezkeen ama alaba batzuen argazkiak. Migratzaileak zenbaki gisa tratatu arren, Fati eta Marie izena zuten pertsonak ziren.
2005. urtean 6,5 milioi euroko aurrekontua zuen Mugen eta Kosten Europako agentziak. 2022. urtean, berriz, 750 milioi eurotik gora jaso zituen erakunde publikoetatik. Migratzaileen kanporaketak gauzatzera bideratutako diru-partidak %480 handitu dira azken bi urteetan.
Marokotik irten ondoren migratzaileek zortzi egun eman dituzte itsasoan noraezean, larunbatean hondoratu arte.