3. mailako azterketa ez egitea lortu dute Ordiziako ikastolan
Lehen Hezkuntzako 3. mailako ikasleei (8-9 urteko haurrei) kanpo ebaluazioa egiteko 30 ikastetxe hautatu ditu Eusko Jaurlaritzak eta horietako bat da Ordiziako Jakintza Ikastola. Baina planto egin dute ikastetxeko gurasoek, eta bertan behera geratu da azterketa.
Astearte honetan zuten proba eguna eta ikasgelan gutxienez 12 haur aurkeztu behar ziren etsamina egin ahal izateko. Ikaslerik ia ez da agertu, eta beraz, proba egin gabe joan dira Eusko Jaurlaritzako ordezkariak. Hala baieztatu dio ARGIAri Ikastolen Elkarteak.
Duela aste pare bat Jaurlaritzatik oharra helarazi zioten Jakintza Ikastolari: azterketa egiteko aukeratuetako bat ziren. Ikastolako irakasleek eta zuzendaritzak, eztabaidatu ondoren, gurasoen esku utzi zuten azken erabakia. Azken finean, irakasleek edo zuzendaritzek planto eginez gero ondorioak izan ditzakete, baina gurasoek eta haien seme-alabek ez, azterketa diagnostikoa delako eta beraz ez duelako ondorio akademikorik.
2 orduko azterketa, LOMCEren aginduei jarraiki
2 orduko iraupena dute azterketek, denbora luzeegia, hainbat irakasle eta gurasok salatu dutenez.
Espainiako Gobernuak inposaturiko LOMCE legearen hainbat agindu barneratu ditu Eusko Jaurlaritzaren Heziberri planak. Hala, Lehen Hezkuntzako 3. eta 6. mailan LOMCEk ezarritako kanpo-ebaluazio edo errebalidak, EAEn ebaluazio diagnostikoak izango direla jaso du Heziberrik –alegia, gainditzea ez da derrigorrezkoa izango aurrera egiteko–, baina Madrildik diseinatuko dituzten proba hauek Lehen Hezkuntzako zuzendarien kezka nagusia dira hala ere: “Ikastetxeetako jarduna azterketa horietara moldatzen joango delakoan gaude, lorpen maila handiena eskuratu aldera, eta horrek urteetan esfortzu handiz egindako bilakaera metodologiko-pedagogikoa kaltetuko luke”. Gainera, emaitzen arabera ikastetxeen rankingak egin nahi ditu Espainiako Gobernuak.
Jakintza ikastola, aurrekari garrantzitsua
Ondorengo egunetan, beste 29 ikastetxetan saiatuko dira azterketa egiten, baina dagoeneko mobilizatzen hasiak dira batzuetako eta besteetako gurasoak.
Eskola publikoan adibidez, EHIGE guraso elkarteak jakinarazi du hiru ikastetxe publikotako gurasoek (Arantzabela, Salburua eta Lope de Guereñu) ezezkoa eman diotela probari eta sinadurak entregatu dituztela Hezkuntzan Sailean, aukeratuak izan diren Gasteizko gainontzeko eskoletan (Cervantes, Luis Dorao eta Samaniego) gurasoen sinadurak jasotzen ari direla prozesu berbera egiteko, eta gainontzeko 15 ikastetxe publikoetan bilerak egiten ari direla familiekin eta eskola kontseiluekin, azterketa hauen inguruan.
Espainiako Gobernuak abenduan onartu zuen hezkuntza lege berria, eta 2022-2023 ikasturtean aplikatuko da bigarren hezkuntzako eta batxilergoko maila bakoitietan. DBHn, hautazko ikasgai gehiago eskainiko dira, eta batxilergoan, arteari lotutako bi modalitate eta beste modalitate... [+]
Murgian ospatuko den Euskal Eskola Publikoaren jai atarian, hezkuntza arloko murrizketen aurka eta LOMCE lege-proposamenaren kontra borrokan diharduten bi elkartetako ordezkariekin bildu gara, Hezkuntzan Geu Eragileko Edu Zabala eta Denon Hezkuntzako Aitor Otañorekin... [+]
"... hezkuntzako gastu publikoa barne-produktu gordinaren gutxienez ehuneko 5 handitzea..." Alderdi sozialistak erabili ohi duen eta LOE aldatzeko Lege Organikoaren Proiektuan jasotako dialektika tranpati horren beste esaldi bat da. STEILASentzat, hezkuntzan inbertsio... [+]
LOMLOEn, LOMCE ordezkatuko duen legean, zuzenketa bat onartu du Espainiako Kongresuak: diru laguntzarik ez ikasleak sexuaren arabera banatzen dituzten ikastetxeentzat. Neurriak EAEko eta Nafarroako hainbat ikastetxetan izango du eragina, baina horietako batzuek... [+]
Hego Euskal Herriko ikastetxeetan eragingo duen Hezkuntza Legea onartu du Espainiako ministroen kontseiluak. Bertan behera geratuko dira LOMCEk ezarri zituen errebalida polemikoak eta ibilbide espezializatuak, eta Erlijioa ez da notarako izango, besteak beste.
“Esan gezur bat mila aldiz. Errepikatu hitzez hitz. Handik gutxira ikusi, egia bihurtzen. Haien ahotan ikusi, egia bihurtzen.” Horixe abesten du Gorka Urbizuk Berri Txarrak taldearen kontzertuetan. Cristina Uriarte Hezkuntza sailburuarekin gertatzen ari denaren... [+]
Hezkuntzako eta lanbide heziketako ministroak LOMCEri egingo dizkion aldaketak zehaztu ditu Diputatuen Kongresuan.
Erlojuaren orratzek egunari hasiera eman diote. Apunteak hartu eta korrika irten zara etxetik. Urduritasuna. Ordua da, heldu da azkenean. Tik-tak. Aurrera begira, lerro zuzenean eta bakarrik eserita. Isiltasuna. Hasi da azterketa, hasi da selektibitatea.
Ikasleok Zorrotz dinamikak deituta manifestazioa egin dute Arriagatik ehunka ikaslek 'Azterketa arrotz, ikasleok zorrotz' lelopean. Azterketa eta erreforma arrotzen aurrean eta Euskal Herri burujabearen bidean hezkuntza "herritik eta herriarentzat" eraikitzea... [+]
Espainiako Estatuko Konstituzio Auzitegiak atzera bota du PSOEk LOMCE legearen aurka aurkeztutako errekurtsoa, eta ikasleak sexuaren arabera bereizten dituzten eskolei diru-laguntza publikoak ematea zilegitzat jo du.
San Ignacion, Luis Elejalden, Aresketan… planto egin diote LH 6. mailako kanpo ebaluazioari. Hezkuntza Plataformen Topagunetik kalifikazio sistema “inposatu” honi planto egiteko deia luzatu zuten eta elkarlanean ari dira ikasleak, irakasleak eta... [+]
Luis Dorao, San Martin, Lukas Rei, Barandiaran, Umandi… Arabako 27 ikastetxe hauetatik 19 publikoetan egin nahi ditu frogak Eusko Jaurlaritzak martxoaren 5etik aurrera Lehen Hezkuntzako 6. mailako ikasgeletan. DBHn ere Pisa azterketa egitera deituko dituzte 4. mailako... [+]
Berriki jakin ditugu euskal hezkuntzaren emaitza kezkagarriak. Duela luze ez dela, PISA txostenak (Ikasleen Ebaluaziorako Nazioarteko Programak) eman zigun lehen zaplaztekoa, emaitza oso kaskarrak lortu zituztelako gure ikasleek. Izan ere, sinetsarazi ziguten Eusko... [+]
Ebaluaketak "merkatu eta politika neoliberalen menpe" daudela kritikatu du sindikatuak eta proba "jarraitu eta hezigarrien" aldeko dokumentua aurkeztu du.
Hezkuntza arloan bero bukatu zen ikasturtea EAEn eta indartsu ekingo diete berriz murrizketen aurkako mobilizazioei: abendura bitartean, greba orokorra eta arloz arlokoa, itxialdiak, elkarretaratzeak, solasaldirako tarteak, salaketa egunak, borroka asteak eta manifestazioak... [+]