26.000 errefuxiatu hil dira 2014tik, erdiak Mediterraneo itsasoan
606 pertsona hil dira aurten Mediterraneoa zeharkatu nahian; egunean, batez beste, bost lagun hil dira. IOM Nazioarteko Migrazio Erakundeak egin ditu publiko datuak eta errefuxiatuen auzia nazioarteko krisi “larriena” dela nabarmendu du.
Gerretatik, pobreziatik edo etengabeko jazarpenetik ihesean dabiltzan milaka pertsonek euren bizia jartzen dute jokoan etorkizuna eskuratu nahian. 1.008 pertsona izan dira mundu osoan hil direnak urteko lehen bost hilabeteetan, iaz epe berean baino 791 gutxiago. Libia eta Italia arteko zeharkaldia da errefuxiatuen ohiko bidea kontinente zaharrera iristeko; migratzaileen %43 bertatik igarotzen dira, urtarriletik 9.467 lagun. Bide horretan hil direnak 370 dira.
Mexikoko eta Ameriketako Estatu Batuetako mugan hiltzen dira Mediterraneoko itsasoaren ostean lagun gehien. 69 lagun zendu dira jada herrialde batetik bestera zihoazela.
Espainiako Estatura iristeko ahaleginean hiltzen direnen kopuruak, ordea, gora egin du: 198 lagun zendu dira aurten, iaz 57 izan ziren. Iristea lortu dutenen kopurua ere hazi egin da Iberiar Penintsulan, 3.994 lagun izanik zeharkaldia egin dutenak. Iaz, epe berean, 2.246 izan ziren. Greziara 8.067 lagun iritsi dira, eta hemeretzi dira bidean zendu diren imigranteak. 2017an, 4.843 izan ziren helburua lortu zutenak, eta 37 hil zirenak.
Urtez urte okerrera
Nazioarteko krisi handienetakoa da errefuxiatuena, baina estatuak hanka motz geratu dira, oraingoz, arazoari irtenbide bat aurkitzerakoan. 2017an 6.002 errefuxiatu hil ziren mundu zabalean, 2016an 7.932, 2015an 6.281 eta 2014an 5.258. Hildakoak migrazio politika “antzu” baten ondorio dira, hainbat erakunderen arabera.
Pasa den urte amaieratik Europara iristeko bidean buelta eman duten errefuxiatu kopurua handiagoa da itsasoa zeharkatzea lortzen dutena baino. 4.151 lagun etxera itzuli dira eta 3.085 lagunek, ordea, ihesaldian jarraitu dute. Europar Batasunak eta Afrikako hainbat herrialdek 2015an Maltan sinatutako akordioan errefuxiatuak etxeratzeko neurriak adostu zituzten. Hala ere, nazioarteko hainbat erakundek salatu dutenez, datuek ez dute islatzen borondate hutsez itzuli direnen eta behartuta joan direnen arteko aldea.
Libiako infernua
La Vanguardiak argitaratutako erreportaje batek, Sudango errefuxiatuek Libian jasaten duten esklabutza salatu du, besteak beste. Herrialdera iristean bahitu egiten dituzte harrobietan lan egiteko, eta indarkeria, jipoiak, irainak eta giza eskubideen urraketak eguneroko ogia bilakatu dira milaka migratzailerentzat. Hala kontatu du Xavier Aldekoa kazetariak, zorigaitzeko errealitate horren lekuko izan direnen ahotsak bilduz. Errealitate horrek NBEk emandako datu “positiboekin” talka egiten duela dio. Hau da, errefuxiatuak euren kabuz itzuli baino, Libian dagoen jazarpena gehiago ez pairatzeko etxeratzen direla dio.
Gobernuak aberriratu ondoren, ia urtebetez bizi behar izan dute aterpetxeetan eta ostatu pribatuetan, eta etengabe lekualdatu dituzte. Gaur egun erabiltzen duten aterpetxea urriaren 31n utzi beharko zutela esan zieten azkenekoz, nahiz eta badirudien beste luzapen bat ezarriko... [+]
"Segurtasun gehiago, inmigrazio gutxiago". Bruno Retailleau barne ministro frantsesa argi mintzatu da, kargua hartu berritan. Etorkinen gaineko kontrola azkartu nahi du Michel Barnier lehen ministro eskuindar-kontserbadorearen gobernuak, eta jada Retailleauk aitzinatu... [+]
Kazetaria eta giza eskubideen defendatzaile sutsua. Munduko Medikuak, Apoyo Mutuo edota SHM gobernuz kanpoko erakundeekin lan egin izan du boluntario eta kazetari moduan. Hainbat komunikabidetan hamaika erreportaje plazaratu ditu Greziako Chios irlatik, hala nola Mediterraneoko... [+]
Igandean egin du erreskatea Aita Mari salbamendu ontziak. Azaldu dute Siriatik etorritakoak direla gehienak, baina badaudela haien artean Egiptotik, Nigeriatik eta Bangladeshtik etorritakoak ere. Aita Mari ontziari Ravennako portuan lehorreratzea agindu dio Italiako... [+]
Calabriako (Italia) kostaldetik 120 miliatara hondoratu da astelehenean ontzi bat eta erreskate lanetan, haurdun zegoen emakume bat hil da. Libiatik gertu beste ontzi batean, ura sartu eta hamar pertsona hil dira sotoan. Desagertuen artean gutxienez 26 ume daude.
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]