10 urteko zigorra 2010eko Sanferminetan ikurrina ateratzen saiatzeagatik
Espainiako Auzitegi Gorenak fiskaltzaren eta akusatuen errekurtsoak atzera bota ditu, Probintzia Auzitegiak ezarritako zigorra berretsiz. Istiluetan gazte madrildar bat larriki zauritu zen kristalezko botila baten ondorioz. Iruñeko Udala erantzukizun zibilaz salbuetsi du epaitzak.
2010eko San Ferminetako txupinazoan ikurrina udaletxe plazara sartzen saiatzeagatik hamahiru gazte atxilotuak eta epaituak izan dira. Guztira hamar urte eta hamar hilabeteko zigorra ezarri diete.
Koldo Sanchezi hiru urte eta sei hilabeteko kartzela zigorra ezarri diote, gazte madrildarra larri zauritu zuen botila botatzeagatik. Gainerakoek desordena publikoa egotzita, zigor txikiagoei egin behar diete aurre: Sergio Cañamerok eta Asier Huartek urte bete eta lau hilabete; Bordat Arrizibitak, Aitor Idiazabalek, Jesus Barkosek eta Unai Ruizek urtebete eta bi hilabete; eta beste bost gazteri egun batzuetan une oroko lokalizazio zigorra eta isuna bat.
Auzitegi Gorenak, bestalde, poliziak 2010eko San Ferminetako txupinazoan izandako jokaera eta borra luzagarrien erabilpena babestu du. Horretaz gain, kristalezko botilak txupinazora sartzearen ordenantza bete ez izana babestu du, Iruñeko Udala gazte madrildarrak jasandako zaurien erantzukizun zibiletik salbuesteko. Hori dela eta, 350.000 euroren ordainketa botila jaurtitzeaz akusatutakoari egokituko zaio.
Gure Esku eta Nafarroa Berriz Altxa elkarteek ekimenak antolatu dituzte lasterketa Euskal Herritik igarotzen denerako. "Euskal Herriaren erabakitzeko eskubidea" aldarrikatu eta "muga artifizialak" auzitan jarri nahi dituzte, besteak beste.
Klubeko Zuzendaritza Bartzordeak adierazi du "oso larria" izan zela gertatutakoa. Urtarrilean ikurrina, Nafarroako bandera eta pankarta bat kendu zituen Espainiako Poliziak Sadar futbol zelaian.
Eneko Compainsi segurtasun indarrek Sadarren jarritako banderak “modu txarrean eta bortitzean” kendu zizkiotela salatu du sare sozialetan. Compains Osasunako zalea eta Konstituzio Zuzenbideko irakaslearekin hitz egin dugu Metropoli Forala saioan.
Joan den abenduan Buruntza mendiaren tontorrean zegoen gurutze frankista handia eraitsi ondoren, ikurrina erraldoia paratu du toki berean Andoaingo gazte talde batek. Ernaik aldarrikatu zuen abenduko ekintza, eta horren ondorioz antolakundearen ordezkaria epaitegietara... [+]
Aurten dagoeneko zazpi aldiz baino gehiagotan egin diete eraso Donostiako Ikatz kaleko Herria taberna kanpoan jarritako ikurrinari, arrano beltzari eta presoen ikurrari. Oraingoan, baina, gertatutakoa grabatu dute.
Aberri Egunaren bezperetan farol batetik ikurrina bat zintzilikatzeagatik Mozal Legea aplikatu zien Gasteizko Udalak hiru herritarri. Astebeteren buruan, zigortuek 300na euroko isun bana jaso dute "erabilera edo zerbitzu publikoko ondasun higigarriak edo higiezinak"... [+]
Aberri Egunaren ataritan farola batetik ikurrina zintzilikatzen ari zirela identifikatu zituen hiru pertsona Gasteizko Udaltzaingoak. Mozal Legea aplikatu diete, eta 100 euroko isuna jarri bakoitzari.
Aurreko legealdian aldaketaren lau alderdiek 2017an desegin zuten 2003ko Ikurren Legea berriz itzuli da Nafarroara. Garai hartan, UPNren eta PSNren corralitoa indar betean zegoen eta bi alderdiek Ikurren Legea atera zuten aurrera funtsean ikurrina udaletan jar ez zedin.
Nafarroako Legebiltzarrean tramitazio konplikatua izan ondoren, ostegun honetan eztabaidatuko dute Foru Erkidegoko Ikurren Lege berriaren inguruan. Eskuinak proposaturiko legea guztiz urardotuta, PSNren baiezkoa aurreikusten da.
Ez dirudi Navarra Sumak babes nahikorik izango duenik bere Ikurren Legea indarrean sartzeko: Nafarroako Legebiltzarreko alderdiek aurkeztutako zuzenketek adierazten dute gehiengoa ez dagoela alor horretan arau murriztaile eta zigortzaileen alde.
Bandera handiekin sartzea debekatzen zuen agindua ez betetzea egozten diete sei gazteei.
"Banderak trapuak besterik ez dira”, aldarrikatzen dute munduko hiritarrek, inongoak ez, eta toki guztietakoak direnek. Bitxia da, baina halakoak beti izaten dira estatua daukaten banderapekoak.
Gurean ere zabaldu da jarrera hori sektore independentista batzuetan... [+]
Enrique Maya Iruñeko alkateak egin ahalak egin zituen ikurrina eta bestelako aldarrikapenak sanferminetako txupinazoan egon ez zitezen, baina ez zuen lortu, horretarako bitarteko ugari jarri bazituen ere.
Korrikalari talde batek udaltzainek astearteko entzierroan izandako jarrera kritikatu du agerraldi batean. Poliziek hiru pertsona identifikatu, horietariko bi atxilotu eta laugarren bat zauritu zuten.