19 urteko gizonezko bat atxilotu dute Errenterian, bikotekide ohia bortxatzea leporatuta
Salaketaren arabera, emakumea bere etxera sartzera zihoanean erasotzaileak eraso egin eta bortxatu egin zuen. Mugikorra ere kendu zion abisurik eman ez zezan. Segurtasun Sailak jakinarazi duenez, irailaren 27an, asteazken gauean, gertatu zen erasoa. Biharamunean, Ertzaintzak ikerketa zabaldu eta bikotekide ohia atxilotu zuen.
Noelia Noemiren hilketa salatzeko elkarretaratzea. (Argazkia: Oarsoaldeko Hitza) Oarsoaldeko Hitza
Oarsoaldeko Mugimendu Feministak elkarretaratzea egingo du, urriaren 3an, Errenterian, erasoa salatzeko. Manifestazioa 19:30ean abiatuko da Zumarditik, Aski da! Erasorik ez! lelopean.