18 urteko gizonezko bat espetxeratu dute, Bergaran (Gipuzkoa) emakume bati hiru sexu-eraso egitea egotzita. Eusko Jaurlaritzako Segurtasun Sailak jakinarazi duenez, udalerriko etxebizitza batean gertatu dira erasoak, otsaileko hiru egun ezberdinetan. 

Astelehen arratsaldean atxilotu zuen Ertzaintzak gizonezkoa. Ondoren, Bergarako Guardiako Epaitegiaren esku utzi zuten, eta epaileak atxilotua espetxeratzea agindu du.