Egoera konplexua sortu da Katalunian osteguneko Bartzelonako atentatuarekin. Furgonetaren erasoak hamahiru hildako eta ehundik gora zauritu utzi ditu. Eta, horrez gain, ostiral goizaldean Mossoek bost pertsona hil dituzte Cambrilsen, ustez hauek beste erasoren bat egitera zihoazenean.
Gertakizun hauekin lotu dute, halaber, ostegun goizaldean Alcanar herrian, Tarragonan, etxe batean izandako bonbona leherketa. Pertsona bat hil zen bertan eta beste zazpi zauritu ziren. Mossoen arduradunen esanetan, litekeena da Alcanarren Bartzelonan egin beharreko bonbona atentatu bat prestatzen aritzea, leherketa gertatu zenean.
Rambletako erasoa eta Alcanarreko gertaerak lotu dituzte Bartzelonako furgonetan agertu diren agiriak Alcanarren zauritutako pertsonarenak direlako. Hala ere, nahasketa handia da datu eta gertaeren inguruan, batez ere haien arteko loturari dagokionez. Oraingoz Kataluniako Gobernuko iturriek aipatu dutenez, lau pertsona atxilotu dituzte gertaerekin lotuta, bat Alcanarren eta hiru Ripollin, hiru marokoar nazionalitatedunak dira eta beste bat Melillakoa.
Halaber, beste herritar bat ere hilda dago: ostegun gauen auto batek kontrol bat egin zuen salto Bartzelonako Diagonal kalean, Mosso bat zaurituz, eta ondoren bera hilik agertu zen Saint Jus Desvernen. Hasieran zabaldu zen Mossoek egingako tiroen ondorioz izan zela, geroago esan da labanez hilda zegoela eta ez zegoela gidariaren lekuan. Mossoen agintari Josep Lluis Traperoren esanetan, gertaera hauek ez leudeke lotuak Bartzelonako atentatuarekin. Halaber, honek jakinarazi zuenez, Alcanarren lehertutako etxebizitzan Bartzelonan eztandarazteko lehergailuak prestatzen ari ziren.
Egiletzaren inguruan, Rambletako erasoaren ondoren lehen orduetan 'otso bakartien' teoria ari zen nagusitzen, baina orduak eta gertaerak aurrera egin ahala, denak adierazten du jihadista sare antolatu baten esku daudela eraso hauek.
Jose Manuel Villarejo espainiar polizia ohiak adierazi ostean Espainiako inteligentzia zerbitzuek 2017ko atentatuak gerta zitezen utzi zutela, Kataluniako Gobernuak zer gertatu zen ikertzeko exijituko dio Espainiako Gobernuari. Halakorik egin ezean, auzia nazioarteko... [+]
Público egunkariak hori frogatzen duten dokumentuak argitaratu ditu. Dokumentuen arabera, poliziak zelatatuak zituen atentatuak burutu zituzten gazteak, eta horien ustezko buru Abdelbaki es Satty Espainiako zerbitzu sekretuen (CNI) isil-mandataria zen.
Bartzelonako Udaleko Immigrazio, Kultura Aniztasun eta Dibertsitate zinegotzia da Lola Lopez (Galizia, 1957) antropologoa. Bizikidetzaren alde eta islamofobiaren kontra ibilbide luzea egin du Kataluniako hiriburuan, eta aurretik Kataluniako Ikus-entzuneko Kontseiluan (CAC) eta... [+]
Katalunian 2017ko abuztuaren 17an gertatutako erailketa masiboak direla kausa, zenbait hausnarpen idazteari ekin diot, batik bat bi artikulugile irakurri ondoren: Santiago Alba Rico eta Jordi Graupera. Alde batetik, biok filosofoak dira, eta eskarmentua daukate azterketa... [+]
No tinc por atera zitzaion eztarritik Bartzelonan herritar bati. Deiadarra sentimendu askoren katalizatzaile izateaz gain, bizi dugun garai nahasien isla ere bada.
Freddy Mercury eta Montserrat Caballé irudikatu ditut abuztuaren 17ko gauaren minean, Rambla gainetan eta Cambrilsko itsasertzean, No tinc por bi bozetan kantatzen. Mina hazi zait bihotzaren sakonean: masa hilketen zerrenda emendatzen ari da, Parisko Charlie Hebdo-ren... [+]
Kataluniako erasoen ostean, batasun abstrakturako eta –inork ezagutzen ez dituen– Mendebaldeko baloreen defentsarako deiek estali nahi izan dute jihadismo globalari buruzko eztabaida. Sakoneko azterketa saihestu nahian, testuingururik gabeko kontakizun apolitiko eta... [+]
Katalunian izandako azken gertaerek, Bartzelona eta Cambrilsen komando jihadista batek egindako atentatu hilgarrien ondoren, azterketa politiko objektiboa behar dute, lasaia eta itsutasunik gabea. Astakeriaren aurrean, erraietatik irtendako erreakzioak saihestu behar dira, agian... [+]
Atentatuen izaera eta ondorioez gain, bada galdera bat etengabe dabilena auzi honen bueltan: nola eragingo dio honek prozesu independentistari? Nola urriaren 1eko erreferendumari? Denborak erantzungo du zehatzago, baina dagoeneko ez da zalantzarik eragiten ari dela, egunero,... [+]
Pierre Conesa (1948) Frantziako Defentsa ministerioko goi-funtzionario erretretaduna elkarrizketatu du Afrique-Asie hilabetekariak uztail-abuztuko zenbakian, Bartzelonako gertakizunak baino lehen. Pasarte txiki bat euskaratu dugu, non Afganistango gerratik gaur arte luzatu den... [+]
2015ean talde jihadista bat desegin zuten Esquadra Mossoek eta operazio horrek agerian utzi zuen Espainiako Poliziaren etsaigoa Kataluniako Polizia autonomikoarekin.
Usteko erasotzaileak 18 eta 55 urteko bi gizonezko dira. Erasoa pairatu zutenak, 13 eta 17 urte arteko hiru gaztetxo. Bartzelonako eta Cambrilsgo biktimen omenezko minutu bateko isilunearen ondotik gertatu zen erasoa.
Kazetariok ez dugu gorrotoaren meatzari lana egin behar. Inork baino inpartzialago jokatu behar dugu, gure egiak besteenekin erkatu eta informazioa, ardo zaharra bezain ona botilaratzeko.
Gérarda Collomb Frantziako barne ministroak jakinarazitako datuen arabera, Cambrilseko hamabi laguneko taldeko lau kide izan ziren Parisen atentatuaren aurreko astean, Cambrilseko erasoan erabilitako Audi3a autoarekin.
Espainiako Erregea Felipe VI. eta Mariano Rajoy Espainiako Gobernu burua manifestazioan izanez gero, CUP ez zela bertan izango adierazi zuen atzo ezkerreko koalizio independentistak.