Hamazazpi hildako gutxienez Tunisiako kostaldean, gehienak emakume eta adingabeak
Gutxienez hamazazpi pertsona hil dira igandean Tunisiako kostaldean, Saharaz hegoaldeko 25 migratzaile eta errefuxiatu zeramatzan ontzi bat hondoratu ostean.
2018an 70 lagun hil ziren Tunisiako kokstaldean antzeko gertakari batean. Argazkian, ordukoan itsasotik erreskatatutako pertsona bat.
Hildako gehienak emakumeak eta adingabeak dira. Itsasontzia igandean hondoratu zen Louatako kostaldean, Sfax probintzian. Tunisiako kostazainek zazpi pertsona erreskatatzea lortu zuten; geroago ordea, zortzi emakumeren eta hiru haurren gorpuak berreskuratu zituzten. Hasiera batean hildakoak 11 zirela uste bazuten ere, kopuruak gora egin du geroago.
Bilaketa lanak egiten jarraitzen dute, inor gehiago bizirik dagoen egiaztatzeko. Ekainean, beste ontzi bat hondoratu zuen Sfax probintziatik gertu, eta gutxienez 60 pertsona hil ziren.