161 atxiloketa: Rajoyren balantze iluna ETAk armak utzi eta lau urtera
ETAk 2011n jarduera armatua behin betiko eten izanagatik ere, geroztik igaro diren lau urteetan jendea atxilotzen jarraitu dute erakundearekin ustezko harremana izateagatik.
Tarte horretan Mariano Rajoy izan da agintean Espainian, eta euskal gizartetik gatazkaren konponbidean urratsak ematea eskatu zaion arren, zentzu horretan Espainiako Gobernuak mugimendurik ez du egin, argudiatuz horretarako baldintza bakarra ETA guztiz disolbatzea dela. Mugitu, mugitu da, baina beste norabide batean, atxiloketa kopuruak erakusten duen bezala. Guztira 161 izan dira, horietatik 47 iragan urtean.
Humberto Unzuetak Noticias de Gipuzkoa kazetan idatzi duenez, atxilotuen artean gehienak iraganean ETArekin ustezko harremana izandako pertsonak dira, justiziarekin zeuzkaten zor zaharren edota sumario berrien ondorioz atxilotuak. Horiez gain, presoen defentsaz arduratutako abokatuen eta sare sozialetan ustez terrorismoari gorazarre egindakoen atxiloketak ere oso ugariak izan dira, batik bat azken urteetan. Komando operatiboetako kide aktiboak atxilotuen kopuru osoaren zati txiki bat besterik ez lirateke.
Kontu zaharrak, atxiloketa berriak
Azken horien artean sartuko lirateke Iratxe Sorzabal eta David Pla. Polizia frantziarrak Baigorrin atzitu zituen ETAko buruzagitzat zeuzkatenak. Atxiloketa hauekin armategiaz arduratzen zen zuzendaritza egitura deuseztatutzat jo zen.
Atxilotuen artean erakundeko kide ohiak ere badaude. Iragan urtean, esaterako, Santiago Arrospide eta Carlos Garcia Preciado hartu zituzten atxilo. Lehenengoari dagokionez, kartzelan bi hamarkada eman eta aske gelditu ostean atzitu zuten, justizia espainiarrak ez baitzuen onartu Frantziako kartzeletan emandako urteak deskontatzea. Garcia Preciado, bere aldetik, Erroman atxilotu zuten, bertara duela hamabost urte ihes egin ostean.
Abokatuak jomugan
Azken agintaldian Rajoyren gobernuak gogor egin du euskal preso politikoen abokatuen kontra. 2014ko urtarrilean Guardia Zibilak EPPK-ko zortzi bitartekari atxilotu zituen, tartean Arantxa Zulueta eta Jon Enparantza abokatuak. Urtebete geroago hamasei lagun atxilotu zituzten, abokatuak gehienak, ETAri babesa ematea egotzita. Atzituen artean zeuden Amaia Izko, Eukene Jauregi eta Haizea Ziluaga, orduantxe Auzitegi Nazionalean epaitu behar zituzten ezker abertzaleko kideen abokatu zirenak.
Urte hasiera honetan ere Bilboko kaleak bete ditu Sare Herritarrak larunbatean Bilbon antolatutako manifestazioak. Presoei ezartzen zaizkien salbuespeneko lege eta tratamenduekin amaitzea eskatu dute amaierako ekitaldian, eta memoria “kolektibo” bat eraikitzea... [+]
Larunbat honetan egingo da Bilbon euskal preso politikoen aldeko urteroko manifestazioa. Gero eta preso gutxiago dago, baina 2011n ETAk bere jarduera armatua eten zuenean inork gutxik irudikatuko zuen handik hamabost urtera oraindik gatazka haren ondorioz espetxeratutako... [+]
Jar gaitezen 2025erako proposamen politiko gisa, Espainiako Auzitegi Kolonialaren (AN) epai guztiak berrikusten hasteko eta makila bakoitzak bere belari eusteko.
Unionismoarekin lerrokatutako alderdi, sindikatu eta gizarte-erakunde gehienek, eta ez bakarrik horrela... [+]
Datorren larunbaterako, urtarrilaren 11rako, Sare Herritarrak euskal presoen eskubideen aldeko manifestazioa deitu du, beste urte batez, Bilbon. Aukera paregabea da gure herriarentzat elkarbizitzaren bidean aurrera egiteko, hainbat hamarkadatan liskar bortitzetan murgilduta egon... [+]
Konponbide prozesuari eta etxeratze prozesuari behin betiko amaiera emateko aldarrikatuko dute, eta euskal preso behin betiko etxean nahi dituztela. Laguntza ekonomikoa jasotzeko Bizumkada Nazionala ekimena jarri dute martxan.
Merino 2001. urtean atxilotu zuten, eta dispertsioa jasan du, zigorraren zati handi bat Euskal Herritik kanpoko kartzelatan igaro baitzuen baldintza “zailetan”. Orain, askatasuna berreskuratu du.
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.
Berangoko euskal preso politikoa Zaballako espetxean dago gaur egun eta bertatik helarazitako idazkian Euskal Preso Politikoen Kolektiboa utzi duela iragarri du.
Zerk harritu zintuen gehien kartzelatik atera zinenean? Galdetu didate maiz azken urte eta erdian.
Bilboko kaleak turista eta bi hankadun txakurrez lepo daudela ikusteak, adibidez? Edo egoera politikoaren aldaketak? Lehenengoak akitu eta amorratu nau, badago zer borrokatzen... [+]
Fermin Muguruzak kontzertua eskaini zuen pasa den larunbatean Martuteneko kartzelan, Iñaki Pikabea 'Piti' eta Joseba Sarrionandia ETAko kideek espetxe horretatik ihes egin eta 39 urtera. Orain, kontzertua dela-eta hainbat jenderen kexak jaso ostean, Eusko... [+]
Josune Arriaga eta Aurken Sola, hurrenez hurren, hamalau eta hamasei urteko espetxealdien ostean, baldintzapeko askatasunean irten dira kalera Espetxe Zaintzako Epaile Zentralaren ebazpenaren bidez.
Europar Batasunak presoen zigorren bateratzea erabaki zuen 2008an. Espainiak ez zuen agindu hori bete. Legearen erreforma etorri da, orain. 52 presori eraginen die neurriak. Sare elkarteko kide Mikel Mundiñanok xehetasunak eman dizkigu Metropoli Forala saioan.
Hori da ostegun honetan Sare elkarteak adierazi duena. Azken unera arte saiatu dira legearen erreforma gauza ez zedin, baina azkenean ez da berriz Espainiako Kongresuan bozkatu behar, PPk nahi zuen moduan. Hortaz, aste honetan bertan legea Espainiako Aldizkari Ofizialean... [+]