Marc Armspach
“14 urterekin jada, banekien irakurtzen nituen istorioak, nik marraztuko nituela noizbait”
Marrazkilari izena gaztetik aukeratu zuen Marc Armspach (Bordele 1969/02/21) artista baionesak: Marko. 14 urterekin jada argi zuen, hark ere istorioak marraztuko zituela. Txikitatik miresten zuen Franquin egileak egin bezala.
Hamar urte beranduago Parisko Babar elefanteen estudioan lortu zuen lehen lana. Gaur egun, bizpahiru komiki sortzen ditu urtean Frantziako hainbat argitaletxerentzat.
2020. urtea komikiaren urtea da. Euskal Kultur Erakundeko lagunek Uztaritzeko bere tailerrean aurkitu dute Marko, lanean. Tira ahala lanean baina mintzatzeko gogoz.