Hamahiru pertsona migratzaile izateagatik “gaizkile” gisa tratatu dituztela salatu dute Bilbon
Bilboko Deustuko Erriberako Janari Saskiak, Atxuri Harrerak, SOS Arrazakeria Bizkaia eta Ongi Etorri Errefuxiatuak elkarteek hamairu etxegabe migratzaile izateagatik Poliziak "gaizkile gisa" tratatu dituela salatu dute, astelehenean egindako elkarretaratzean.
Deustuko Frank Gehry zubi berrian egin dute elkarretaratzea, 19:30ean, aipatutako elkarteen babespean. Herritar guztiek etxebizitza izateko duten eskubidea defendatu dute eta Poliziaren indarkeria eta arrazakeria salatu.
Maiatzaren 25ean, poliziek hamahiru pertsona migratzaile bota zituzten bizitoki gisa erabiltzen zuten industria-nabetik. "Gaizkileak balira bezala" jokatu zuten eurekin, protesta antolatu duten kolektiboek salatu dutenez.