100.000 sinaduratik gora EAEn frackinga debeka dadin eskatzeko
30.000 hiritarren izenpea eskatzen zien legeak, baina aise gainditu dute langa. 103.589, hori izan da azkenean Fracking Ez plataformak Eusko Legebiltzarrera eraman duen sinadura kopurua. Bertan adierazi dutenez, "Legebiltzarrean ordezkaritza duten alderdi politikoei ulertarazi nahi diegu gure jendarteak, orobat, frackinga gaitzesten duela, eta horretarako sinadura kopurua esanguratsua behar zen. Gaur hona ekarri duguna hilabeteotan kalean sumatu dugunaren isla da. Argi dago frackinga bezalako gai garrantzitsuei buruz jendeak erabakitzeko gaitasuna eduki nahi duela".
Bidaia luze bat amaitu da gaur Fracking Ez plataformarentzat. 2013ko otsailean egin zuten lehen saiakera, artean Fracking Ez Araba izenarekin, baina Eusko Legebiltzarreko mahaiak ez zuen onartu. Bigarrenean bai, ordea: joan den abenduan, Legebiltzarrak ontzat eman zuen Fracking Ez-ek aurkeztutako Herri Ekimen Legegilea. Helburua, EAEko lurralde osoan haustura hidraulikoa teknika debekatuko duen lege bat eztabaidatua izan dadila Gasteizko parlamentuan.
Lehenbiziko hesia gaindituta, 30.000 sinadurak biltzeko lana zuten aurretik. Aise lortu zuten helburu hori, baina izenpe bilketa epea bi hilabetez luzatzea eskatu zuten, Legebiltzarrera ahalik eta hiritar gehienen izenak eramatea gogoan. Behar zutena halako hiru eta gehiago eraman dute azkenik.
Ikusiko da orain, behin izenpeak jardun instituzionalaren makineria astunaren esku utzita, zer etekin ematen duen hilabeteotako ahaleginak. Gerta litekeenari buruzko analisiak argitaratu izan ditugu plaza honetan, ez dugu esandakoa errepikatuko (beheko artikulu sortak ondo laburbiltzen du orain arte gertatutakoa). Balio beza aztarna gisa –gaur jai giroan Legebiltzarrera joan direnen atsekaberako–, aste honetan bertan behin-behineko baliogabetzea ezarri diola Espainiako Konstituzio Auzitegiak Nafarroan haustura hidraulikoa debekatzen duen legeari, estatuko beste autonomia erkidego batzuetakoekin lehenago egin bezala.
Ez da zaila igartzea Gasteizko Legebiltzarrak halako lege bat onartuko balu, haren patua Nafarroakoaren berbera izango litzatekeela. Baina ez da gauza bera, ez denez, espainiar auzitegi batek lege bat baliogabetzea, edo norberak legea sortzeari uko egitea. Horixe izango da datozen hilabeteetan borrokaleku nagusietako bat frackingaren afera honetan. Bidaia luze bat amaitu da frackingaren aurkarientzat; luzeagoa izango da hastear dagoena. Eta, seguruenik, ez hain esker onekoa.
Gai honi buruzko aurreko artikuluak:
-Eusko Legebiltzarreko Mahaiak ez du onartu frackinga debekatzeko herri ekimen legegilea (2013-2-5)
-EAEn frackinga debekatzeko herri ekimen legegilea aurkeztu dute berriz (2013-12-19)
-Frackinga debekatzea, helburu zaila (2014-5-16)
-Frackingari buruz ARGIAn argitaratutako artikulu guztiak
Energia krisiarekin Herbehereetan bidegurutze bat sortu zaie: munduko gas natural hobi handienetako bat itxi, aurreikusita zegoen bezala, edo irekita mantendu Europaren presioei men eginez? Eskueran ditugun energia iturri oparoak aprobetxatzeak nolabaiteko kalteak onartzea... [+]
Armentia-2 putzuan gasa esploratzeari uko egingo ziola ofizialki iragarri eta bost hilabetera, Eusko Jaurlaritzak ez du atzera bota Gasteizko Udalaren erabakiaren aurkako helegitea. EH Bilduk eta Eguzkik bertan behera uzteko eskatu diote.
Udal teknikariek ebatzi dute Hiri Antolamendurako Plan Orokorrak (HAPO) ez duela baimentzen gasa dagoen ikertzeko zundaketarik egitea. EAEko Ekonomiaren Garapeneko, Jasangarritasuneko eta Ingurumeneko sailburu Arantxa Tapiak zabalik utzi du helegitea aurkezteko aukera.
Uztailaren 12an New York Times-ek argitaratu zuen: “AEBetan fracking enpresak kiebra jotzen ari dira, iturrien inguruetan bizi direnei utziz pozoi arriskutsuzko kutsadurak eta herritar guztien bizkar hauek garbitzeko kosteak”. Kronikaren hasieran honako kasu bat... [+]
COVID-19ak eragindako anabasaren zalapartak eta klimaren aldaketak hedabideetan uzten dituen irudi beldurgarri bezain espektakularrek estalita, gutxi hitz egiten da petrolioaren krisiaz, tartean fracking-aren gainbeheraz. Bestela esanda, herritarrak ari daitezkeela eztabaidan... [+]
Rapero ezaguna zen TíoBad gaztea Sayula de Aleman (Veracruz, Mexiko) herrian eta haren oihartzuna askoz urrunago ere heldu zen, Mexikon Barrena AEBetaraino. Bertsotan salatzen zituen narkotrafikatzaileekin elkar hartzen duten agintariak, kazetari eta ekintzaileen... [+]
Euskadiko Hidrokarburoak (SHESA) enpresa publikoak Espainiako Ingurumen Ministerioaren oniritzia jaso du Armentia 2 putzuan lanak hasteko. Zulaketak egiteko baimena eskuratzea Eusko Jaurlaritzaren, Arabako Aldundiaren eta Gasteizko Udalaren ardura dela adierazi du Fracking... [+]
Espainiako Biodibertsitaterako eta Ingurumen Kalitaterako Zuzendaritza Nagusiak egindako ingurumen-inpaktuaren azterlana aldekoa izan da Armentia-2 putzuan gasa erauzteko, txostenaren arabera zundak ingurunean ez baitu ondorio kaltegarririk eragingo. Horrenbestez, Espainiako... [+]
Dacota Access oliobideari sabotaiak egin izana aitortu zuten bi ekintzaileren aurka 110 urte arteko espetxea eta ehunka milaka dolarreko zigorra eskatu dute. Azken hamarkadetan ingurumenarekin loturiko ekintzaileei eskatu zaien zigorrik gogorrenak dira, The Intercept... [+]
Sky txirrindulari talde britainiarra INEOS konpainia petrokimikoak erosi duela-eta, haserrea agertu du hainbat talde ekologistak, frackingaren aurkako kolektiboek tartean. Yorkshireko Itzulian protestak egingo dituztela iragarri dute.
2017ko azaroaren 13ean Koreako hainbat herri –tartean izena ematen diona– kaltetu zituen Pohang lurrikara bertan erregaiak fracking bidez erauzteko teknikak esperimentatzen dituen estazio geotermiko batek eragin zuela aitortu du herrialdeko gobernuak, gertakizuna... [+]
AEBetako epaitegi federal batek behin-behinetan gelditu egin ditu gasa eta petroleoa produzitzeko zulaketak 121.000 hektareako eremuan, Wyoming estatuko lur federaletan. Epaiak lehen aldiz aipatzen du Barne Sailak lizitazioa onartu zuenean ez zuela kontutan hartu jarduera hauek... [+]
Orkestraren azken txostenak hainbat datu azpimarragarri dakartza enplegu munduari buruz; bestetik, Bizkaiko ekitaldi eta negozio erraldoi handiei lupa jarriko diegu, Pello Zubiria Argiako kazetariak frackingaren egoera EAEn aztertu du.
Eusko Jaurlaritzak baimena eman du Bizkaia eta Gipuzkoako 1.300 kilometro koadrotan zehar lurpean egon daitezkeen erregaien bilaketan ikerlan eta zundaketak egiteko. Zundaketa lanetan "fracking" teknika erabiliko ez dela aipatu den arren, zundaketa berriok dira urrats... [+]